«xaroblik» boʻyicha 12 ta natija
ot 1. Xaroba, vayrona ekanlik.
Qishloqning xarobligi.
2. Moddiy va maʼnaviy qiyinchilik; qashshoqlik.
sft. 1. Qarovsiz qolgan, buzilgan, vayron; noobod.
Xarob shahar. Xarob bogʻ. Karvonsiz — yoʻl xarob, Oqsoqolsiz — el xarob. — Maqol
Bunday mish-mishlarni eshitgan uydagilarning ham, bu (imorat) eski imoratingizdan ham xarob-ku, deb raʼyi boʻlmadi. — Shukrullo, Saylanma
2. Moddiy yoki maʼnaviy jihatdan ahvoli tang.
Zar boʻlmasa, zargar xarob, Yer boʻlmasa, dehqon xarob. — Maqol
Shunday yonidagi doʻstining oilasi xarob yashashiga aslo eʼtibor bermagan ekan. — Yoshlik
3. Eski, yupun, juldur.
Ust-boshi xarob odam.
4. Ozgʻin, oriq, nimjon; koʻrimsiz.
Xarob ot.
— Nimasi zotli, oʻzimizning jaydari qoʻylardan ham xarob-ku! — ajablandi choʻpon. — Mushtum
ot 1. Qarovsiz qolgan joy, imorat, inshoot.
Hovli xarobaga aylanib qolgan ekan. — Yoshlik
Qishloq va shaharlar xaroba butkul, Shu yerdan oʻziga fashist ochmish yoʻl. — Gʻ, Gʻulom
2. Buzilib ketgan biror joy yoki qadimiy inshootlardan qolgan qism.
Quyiga engani sari sobiq hovli xarobalari koʻrina bordi. — Sharq yulduzi
[Iskandar] Choʻk tushib yotgan tuya karvoniday bir-biriga mingashib ketgan Dalvarzintepa xarobalariga tikilib turib qoldi. — M. Mansurov, Yombi
3. sft. Qarovsiz, fayzsiz.
Chol qishloqning eng cheti, kunbotaridagi egasiz huvullab yotgan xaroba hovliga kirdi. — Yoshlik
ot ayn. Xarobazor.
Zilzila xarobaliklari.
Hovlining kunbotar tomonida xarobalikdan ozgina berida ikki darichalik bir uy, bu uy qatorida bir ayvon boʻlib, shuning ila bu hovlining tikkaygan binosining hisobi tamom edi. — A. Qodiriy, Oʻtgan kunlar
ot Qarovsiz qolgan, xarob boʻlgan uylar, vayronalar.
Hayot shami butunlay soʻngan Jizzax kultepa, xarobazorga aylanib, mozor jimligi hukmron boʻlib qolgandi. — N. Safarov, Olovli izlar
disorder, choas, disintegration, breakdown, breakup
