от 1. Кичкина қоп, қопчиқ.
Болалар ёпишавергач, [кампир] халтани очишга мажбур бўлди. — Ойбек, Танланган асарлар
Аламазон халтани шолчага қўйиши биланоқ, қизча унга талпиниб, қўлини чўзди. — А. Обиджон, Аканг қарағай Гулмат
2. Озиш туфайли одам ёки ҳайвон баданида, кўпинча юзида салқиб, осилиб қолган тери.
— Кўнгил ўлсин, илойим. Жағида жағ қолмай, лунжи халта бўп кеца ҳам, йигитман дейди, — деди кампир — А. Убайдуллаев, Ҳаёт оқими
Бузоқча сигирнинг халта бўлиб қолган елинини туртиб-туртиб, шиддат билан эма кетди. — С. Нуров, Майсаларни аёз урмайди
3. зоол. Баъзи ҳайвонларнинг қорни остида бўладиган, ёш боласини солиб кўтариб юришга мосланган халтасимон тери қатлами.
Халталиларнинг урғочиси туғилган боласини анча вақт қорнидаги халтасида олиб юради. — Зоология
4. Кийимнинг осилиб, салқи бўлиб турган жойи.
Қурбон ака яна Мамажонга ўгирилди: нимпар кўк кителининг этакларини қорни туртиб турибди, ёқа тугмалари очиқ. Шимининг тиззалари халта бўлиб турибди. — С. Нуров, Нарвон
- Халта кўйлак Ёқаси кўндаланг очилган, елкадан боғичлаб қўйиладиган, одатда муллалар киядиган кўйлак. Мамат, халта кўй-лак этагидан тиззаларини зўрға чиқариб, ўрнидан турди. — Ёшлик
- Халта палов