от 1. Шариат қоидаларини яхши биладиган, ўқимишли одам.
Турдибой халфа ўз ҳовлиси-да иш бошлаган ўқитувчига катта ҳурмат билан қараганини ишора қилиб, у билан эгилиброқ кўришди. — П. Турсун, Ўқитувчи
2. Эски мактабда ўқувчиларга бошлиқ қилиб тайинланган, мактабдор домлага кўмаклашадиган ўқувчи.
Аваз бир вақтлар мана шу мадрасада таҳсил кўрган; ҳамҳужралари то ҳануз бу ерда халфами, мутаваллига ёрдамчими бўлиб юришарди. — С. Сиёев, Аваз
3. Ўрта асрлар устахоналарида ҳунар ўрганувчи шогирд; ҳунар-касб ўрганувчи шогирдлар бошлиғи.
Унга, ўн беш ёшидан бошлаб, аввал шогирд, кейин халфа, сўнг мустақил уста сифатида то шу дамгача эрта-кеч букчайиб ишлашга тўғри келгани учун, унинг елкаси букур каби, ортиқча туртиб чиққан эди. — Ойбек, Танланган асарлар
4. фолк. Хоразм воҳасида маҳаллий оғзаки ижод намуналарини ижро этувчи аёл.
Халфалар репертуаридан асосан “Тўй муборак”, Ёр-ёр, Ошиқ туркумидаги достонлардан парчалар, Маҳтумқули ва бошқа шоирларнинг шеърлари асосидаги насиҳат ва рақсбоп қўшиқлар ўрин олган. — Ўзме
- Халфа тушмоқ Халфа бўлиб ишламоқ ( Отам маҳалладаги бойга халфа тушиб, бўз, алак, беқасам тўқий бошлади. — Ё. Шукуров, Қасос