Qidiruv

ot 1. Izm-ixtiyoriga topshirish, zimmasida boʻlish.

Har kimning soʻzi, qilmishi qalbiga, vijdoniga havola. A. Muhiddin, H. — Tojiboyev, Otash qalbli qiz

Mana bu kreslo ham sizga havola. Menga bir oddiyroq stul bersangiz boʻladi — J. Abdullaxonov, Toʻfon

2. Fikr, mulohaza va shu kabilar haqida maʼlumot uchun biror manbaga qarashga undash, shu manbani koʻrsatish.

Qoʻshimcha maʼlumot uchun sahifa oxirida tegishli adabiyotlarga havolalar berilgan.

fl. 1. Kasalni muolaja qilib, boqib tuzatmoq, dori-darmon qilib sogʻaytirmoq.

Quloqni davolamoq. Tishni davolamoq.

Gapirmas edim. U professor dardimni ipidan ignasigacha eshitsa, oson davolaydi, deb oʻyladim. — N. Aminov, Qaltis xato

Umid tabibdir: odamni davolab, unga qanot beradi. — Yoshlik

2. Biror kasallikni, ogʻriqni dori-darmon qilib toʻxtatmoq, yoʻqotmoq.

Rakni davolamoq. Bezgakni davolamoq.

Xalq juda koʻp shishlarni paxtadogʻ bilan davolaydi. — A. Qahhor, Qoʻshchinor chiroqlari

3. koʻchma Maʼnaviy-axloqiy nuqsonni tuzatmoq, toʻgʻrilamoq. -

Bu kasalni tuzatish mumkin, — dedi rais, — ammo boʻlarmikan davolab ayyorligingizni ham. — Mushtum

Hamkasblarimizni toʻgʻrilik va halollik dorisi bilan davolaymiz. — X. Toʻxtaboyev, Shirin qovunlar mamlakati

Bu dardni [el dardini] adl suvi bilan yuvmoq, davolamoq lozimdir. — Oybek,Navoiy

4. Davolamoq feʼlining majhul va oʻzlik nisbatlari.

Kasalxonada davolanmoq. Kurortda davolanmoq.

Shamsi Toʻrayevich qon bosimi oshib, shifoxonada davolanib yotibdi. — N. Aminov, Qahqaha

Kasalxonamizda davolanayotgan bemorlar nomidan ushbu sovgʻani qabul qiling. — S. Ahmad, Saylanma

fl. Davolamoq feʼlining majhul nisbati.

fl. Davolamoq feʼlining orttirma nisbati.

Nega olamga kelib, oh-nadomat bilan oʻtib ketayotgan shu ojizani shu kungacha davolata olmadik. — A. Qahhor, Sarob

fl. 1. ayn. Havolamoq 1.

Qizdirilgan chirmandadek tarang oy asta-sekin havolanaverdi. — Gazetadan

2. Umuman, havoda harakatlanmoq.

Shapaloqdek moshrang tok barglari yengil shamolda tebranadi, qarib sargʻimtir boʻlgan barglar chirt uzilib, havolanib, yerga tushadi. — Gazetadan

nomaʼlum nuqtaga qadalgan nigohi beixtiyor, xuddi parashyutday havolanib, yerga tushayotgan katta bir bargga qadaldi. — D. Nuriy, Osmon ustuni

3. Magʻrurlanmoq, gʻururi oshmoq.

Yengil gʻalabadan havolangan Eron qoʻshini massagetlarning chekinayotganini eshitib, zudlik bilan ularni taqib eta boshladi. — M. Osim, Ajdodlarimiz qissasi

Madaniyatli kishi oʻzidagi yaxshi fazilatlardan, goʻzallikdan havolanmaydi. — M. Alaviya, Goʻzallik nimada?

— Qari odamni mushtumday bola oldida haqorat qilganingiz, bolangizni haq odam oldida nohaqlik bilan himoya etganingiz yaxshimi? Bolangiz bundan havolanmaydimi? — dedi Rasul aka xotiniga. — M. Ismoiliy, Bizning roman

fl. Baland koʻtarmoq, yuqorilatmoq, balandlatmoq.

Izvoshchi uzun qamchisini boshida baland havolatib qarsillatdi-da, otlarga qarab qichqirdi. — I. Raxim, Chin muhabbat

Murodxon qoʻliga olmani olib, havolatib, Choʻlponoyni moʻljallab otdi. — Murodxon

Oʻrik, kishi zoʻr berib nimanidir tushuntirmoqchi boʻlar, qoʻllarini havolatib-havolatib olar edi. — I. Shomurodov, Magʻlubiyat