Foydalanuvchi veb-sahifalarini Internet provayderi (xosting provayderi) serverida joylashtirish va qoʻllab-quvvatlash. “Xosting” soʻzi toʻlaqonli ikki tomonlama aloqa bilan taʼminlangan tarmoqdagi kompyuterni bildiruvchi xost soʻzidan olingan (q: xost). Xosting pulli va tekin, oddiy va mukammallashgan boʻlishi mumkin. Xosting provayderini tanlayotganda quyidagi tavsifnomalarga eʼtibor berish lozim: 1) disk makoni; 2) Internet kanalining oʻtkazish qobiliyati (kengligi); 3) fayllarni boshqarish usullari: veb-forma yoki FTP protokoli orqali foydalanish; 4) standart skriptlar toʻplami; 5) server tomonida dasturlash mumkinligi (SSI, PHP, ASPlarni qoʻllab-quvvatlash, cgi-bin katalogi); 6) serverda maʼlumotlar bazalaridan foydalanish – oʻz maʼlumotlar bazalarini yaratish va ishlatish mumkinligi; 7) Shell dan foydalanish; 8) .htaccess fayli orqali serverni konfiguratsiyalash mumkinligi; 9) log-fayllardan foydalanish; 10) uchinchi darajali domenlarni taqdim etish (name.your-name.uz, name1.your-name.uz va boshqa turdagi manzil); 11) bir yoki bir necha pochta qutisini qoʻllab-quvvatlash; 12) uzluksiz elektr energiyasi bilan taʼminlash.inglizchaweb-hostingruschaвеб-хостинг