Поиск

английскийwebрусскийвеб

WWW rivojlanishining ikkinchi avlodini belgilovchi atama. Veb 2.0 ning asosiy xususiyati – koʻp sondagi foydalanuvchilarning kontentni yaratish va maʼlumotlarni almashishda bevosita ishtiroki. Misollar: ijtimoiy tarmoqlar, videoxosting saytlari, viki, bloglar, folksonomiya.английскийWeb 2.0русскийВеб 2.0

английскийwww-boardрусскийвеб-борд

Inglizcha “site” (tarjimasi “joy”) soʻzining oʻzbekcha talaffuzi. Umumjahon oʻrgimchak toʻri maʼlum axborot topish mumkin boʻlgan va noyob URL bilan belgilangan virtual joy. Mazkur URL veb-saytning bosh sahifasi manzilini koʻrsatadi. Oʻz navbatida, bosh sahifada veb-saytning boshqa sahifalari yoki boshqa saytlarga murojaatlar boʻladi. Veb-sayt sahifalari HTML, ASP, PHP, JSP, grafik va boshqa fayllardan tashkil topgan boʻlishi mumkin. Veb-saytni ochish uchun brauzer dasturidan foydalaniladi. Veb-sayt shaxsiy, tijorat, axborot va boshqa boʻlishi mumkin.английскийwebsiteрусскийвеб-сайт

Veb-sahifalarini bezash. Veb-dizayn qogʻoz nashri uchun poligrafik dizayn va sahifalash qanday vazifani bajarsa, sayt uchun ham xuddi shunday vazifani bajaradi. Veb-dizayn deganda odatda nafaqat sayt uchun grafik elementlarni yaratishni, balki uning tuzilmasi, navigatsiyasi va baʼzan sayt ishi uchun zarur boʻlgan skriptlarni loyihalash, yaʼni saytni toʻliq yaratish nazarda tutiladi. Dizayn saytning aqlli tuzilishi maʼnosida uning “chiroyliligi”dan ancha muhimroq. Sayt dizayni odatda ixtisoslashtirilgan veb-dizayn studiyalari tomonidan bajariladi. Sayt uchun dizayn yaratish bahosi sayt hajmi, grafik elementlar soni, uning ustida ishlovchi mutaxassislar saviyasi, dasturlash zarurligi va h.k.larga bogʻliq.английскийweb-designрусскийвеб-дизайн

1. Odatda, maxsus HTML (Hypertext Markup Language) tilidagi hujjat. Veb-hujjat Umumjahon tarmogʻi asosini tashkil qiladi. Ular gipermatndan iborat boʻlib, foydalanuvchiga ajratib koʻrsatilgan soʻz yoki jumlaga qaratib, maʼlumotlarni oʻqish, hujjatning boshqa qismiga yoki ayni hujjat bilan giperishorat yordamida bogʻlangan boshqa veb-hujjatga oʻtish imkonini beradi. Veb-hujjat, shuningdek, matn, tasvir, tovush, videolarni mujassamlovchi gipermuhit maʼlumotni ham oʻz ichiga olishi mumkin. Veb-hujjatni ochish, ularni oʻqish yoki aks ettirish Internet brauzerlari yordamida amalga oshiriladi. Veb-hujjat tushunchasi “veb-sahifalar” va “veb-saytlar” tushunchalari bilan chambarchas bogʻliq. Odatda veb-sahifasi atamasi veb-hujjat atamasining sinonimini bildiradi, veb-sayti atamasi esa yagona mavzu ostida birlashtirilgan yoki bitta tashkilot, muallif yoki foydalanuvchiga tegishli boʻlgan sahifalar majmuasiga tegishlidir.английскийweb-documentрусскийвеб-документ

2. Veb-saytning tarkibiy qismi. Fizik nuqtayi nazardan HTML fayldan iborat. Tarkibida matn, tasvir, JAVA appletlari va boshqa veb elementlar boʻlishi mumkin. Sahifa statik yoki dinamik ravishda shakllantirilgan boʻlishi mumkin. Freymlardan foydalangan holatda har bir freym alohida sahifa hisoblanadi.