«вассаллик» бўйича 3 та натижа
от Қарамлик, қарашлилик.
Аваз тикка кириб, Ферузга қаради. У ўз ўрнида, эгнида яшил мовут тўн, елкаларида генераллик рутбасини билдирувчи нишонлар, кўкрагида оқподшога вассаллик тимсоли — кўк шойи тасма қийшиқ ташланган. — С. Сиёев, Аваз
от 1. Ўрта асрларда: Ғарбий Европада йирик феодалга ундан ер-сув инъом олгани учун тобе бўлган кичикроқ феодал.
2. Бўйсундирилган, тобе одам ёки давлат.
Вассал давлат.
Амударёнинг ўнг қирғоғидаги Тўрткўл, Шобоз, Нукус шаҳарларидан тортиб то Орол денгизига қадар Россияга ўтган, Хива хонлиги эса оқподшонинг вассалига айлантирилган эди. — Ж. Шарипов, Хоразм
унд. с. 1. Гап тамом, гап шу, бошқа гап ёʻқ, бошқа гап бўлиши мумкин эмас.
Бўлган воқеа шуки, мени от опқочди Вассалом! — Мирмуҳсин, Меъмор
Ўзингни гаровга қўйиб бўлса ҳам якан топасан, вассалом! — Ж. Абдуллахонов, Тўфон
2. Шунинг ўзи кифоя; бўлди, тамом.
Орқасидан бир тош юмалатиб юборсанг, вассалом, тош ўз ишини қилади. — Шуҳрат, Шинелли йиллар
