«vaboli» boʻyicha 2 ta natija
sft. Vabo tarqagan (joy yoki davr haqida).
ot 1. Organizmning suvsizlanishi bilan kechadigan oʻtkir yuqumli kasallik; oʻta xavfli ichak kasalliklaridan biri.
Ochlik orqasidan vabo keldi. Och, bir burda nonga muhtoj, qip-yalangʻoch boʻlib qolgan xalq bittalab, oʻntalab emas, yuztalab, qishloqlab oʻla boshladi. — S. Ayniy, Qullar
Shaharni bosib olgan moʻgʻullar ham vabodan qirila-yotgan ekanlar. — M. Osim, Karvon yoʻllarida
2. koʻchma Oʻz amali, natijasi bilan vaboga teng narsaga nisbatan qoʻllanadi, narsani vaboga tenglab ifodalaydi.
Urush! Insoniyat boshiga qanday musibatlar solmadi bu laʼnati vabo. — M. Samadov, Karim partizan
XXasr vabosi — SPID bilan kasallanganlar paydo boʻlibdi. — Gazetadan
3. koʻchma ayn. 3 epidemiya.
Buxoro va shofirkonliklar hikoya qilishadi: Abu Ali ibn Sino odamning madorini ketkazib, oʻlimga olib boradigan rishta vabosiga qarshi tadbir izlashga uringan. — Tuygʻun, Yillar va kishilar
