Поиск

ot Bezak uchun barmoqqa taqiladigan, turli metallardan har xil shakl va kattalikda yasaladigan halqasimon zargarlik buyumi.

Tilla uzuk. Yoqut koʻzli uzuk. Uzukka koʻz solmoq.

Hoji xola uzukni et-dor sinchalogʻiga oʻtkaza turib, hiringladi. — M. Ismoiliy, Fargʻona tong otguncha

Erimbet mushtumiga bejirim iyagini tirab oʻtirar, barmogʻidagi uzugi lunjiga botib ketgan edi. — A. Muxtor, Qoraqalpoq qissasi

sft. Uzugi bor, uzuk taqilgan.

[Usta] Sopol obdastadan qoʻliga suv solib, uzukli qoʻllari bilan boshimni ishqalay ketdi. — Gʻ. Gʻulom, Shum bola

Valixon brilliant uzukli koʻrsatkich barmogʻini bigiz qilib taʼkidladi. — Sh. Toshmatov, Erk qushi

sft. Uyqusirab, xumor tutib yoki noz-ishva bilan qisilgan, yumilganga yaqin, xumor (koʻz haqida).

— Voy, esim qursin! — dedi [Lobar], eriga suzuk shahlo koʻzlari bilan kulib qararkan. — H. Gʻulom, Toshkentliklar

Qoʻlimda eng qimmat uzugim boʻlsa, Undan ham qimmatli koʻzi suzugim. — Gʻ, Gʻulom

sft. 1. Buzilgan-netgan yeri yoʻq, ishlab turgan yoki ishlay oladigan.

Televizor tuzukmi, buzuqmi? Motor tuzuk ishlab turibdi.

2. Kamchiligi, yomon yeri yoʻq; durust, yaxshi; binoyi.

Tuzuk yigit. Bu ish tuzuk tashkil qilinmabdi.

Oʻzi tuzuk shoir, biroq tanqidni koʻtarmagani yomon. — A. Qahhor, Sarob

Kenja yigit qishloqda Tura oldi bir oycha, Turmush tuzuk boʻlsa-da, Ammo baxti uzoqda. — Z. Diyor

3. Dard-kasali yoʻq, sogʻ, sogʻlom; sogʻligʻi qanoatlanarli.

Ota, tuzukmisiz? Tuzuk boʻlib ketdingizmi?

Xayriyat, onangizning ahvoli ancha tuzuk boʻlib qoldi, isitmasi ham qaytdi. — M. Ismoiliy, Fargʻona tong otguncha

Dadasi, endi tuzukman, qizimni saharlari uygʻotmang. — A. Qahhor, Bemor

4. rvsh. Qoidasi bilan, durustgina, yaxshilab.

Tuzukroq, mazmunliroq gapirsangiz-chi. Tuzukroq oʻtiring.

Xayolingiz qayerda, nima soʻzlayapsiz, oyi? Tuzukkina gapiring! — Oybek, Tanlangan asarlar

5. tasdiq yukl. Yaxshi. xoʻp, mayli, maʼqul.

— Ertaga kitobni ola kel, tuzukmi? - — Tuzuk, olib kelaman

— Siz kirgandan keyin men eshikni ustingizdan yopib olaman-da, bir ozdan soʻng oldingizga kelinning yolgʻiz oʻzini kirgizaman, tuzukmi? — Tuzuk. — A. Qodiriy, Oʻtgan kunlar

ot Ayollar bilakka taqadigan ziynat buyumi, taqinchoq.

Yapaloq bilaguzuk. Bodomcha bilaguzuk. Ilonboshi bilaguzuk. Oltin bilaguzuk.

Hammasini etagimga toʻkdi: bilaguzuk, tilla bargak, tillaqosh, marvarid-marjon, har xil uzuklar. — M. Ismoiliy, Fargʻona tong otguncha

Uzun qoʻngʻir sochlar oʻtirganda yer oʻpar, bilaguzuk taqqan bilaklari oppoq, begʻubor edi. — S. Zunnunova, Olov

ot Kaltakesaklarning koʻpincha tanasi toʻq kulrang, ikki yonida qoramtir yoʻllari boʻladigan turi.