По запросу «uzoqlik» — результатов: 13: Толковый
ot 1. Uzoq ekanlik, uzoq boʻlish.
Yoʻlning uzoqligi ancha qiynadi.
2. Oraliq masofa, masofa.
Qishloq shoʻrosi Uchquloq qishlogʻiga joylashgan.
Tiktepadan uzoqligi uch chaqirimcha bor. — A. Qodiriy, Obid ketmon
3. Uzoqda boʻlgan joylar, uzoqda joylashgan yerlar.
Poyonsiz qirning koʻz ilgʻamaydigan uzoqliklari tumanlangansimon koʻrinish berar edilar. — A. Qodiriy, Oʻtgan kunlar
[Gulnor] Shiyponning panjarasiga yaqin kelib, uzoqliklarga tikildi. — Oybek, Tanlangan asarlar
sft. 1. Oraliq masofasi (nisbatan) katta, nisbatan narida joylashgan; olis.
Uzoq qishloqdan keldi. Ovozi uzoq-uzoqlarga yetmoq. Tuyaga minib, uzoqni koʻzla. — Maqol
Sidiqjonning koʻzi daryoning u tomonida, uzoq ufqda miltillab turgan son-sanoqsiz chiroqlarga tushdi. — A. Qahhor, Qoʻshchinor chiroqlari
Bir mahalda uzoqda qora nuqta koʻrindi. — Mirmuhsin, Meʼmor
2. Vaqt eʼtibori bilan davomli, katta, koʻp.
Uzoq tikilmoq. Uzoq suhbatlashmoq. Uzoq kutmoq. Uzoq muddatli kredit. Uzoq yashamoq.
Bu jang uzoqqa bormaydi. — Mirmuhsin, Meʼmor
Sidiqjon uzoq sukut qilib qolgandan keyin bosh chayqadi. — A. Qahhor, Qoʻshchinor chiroqlari
3. Doʻstlik, qarindoshlik, tanishlik va shu kabilar jihatdan bogʻlanish u qadar yaqin boʻlmagan, yaqin emas.
U yerda Elmurodning ham bir emas, koʻpgina uzoq qarindosh-urugʻlari bordir. — P. Tursun, Oʻqituvchi
Mehmon uzoq qarindosh — otasining ammavachchasi — Ashirmat edi. — Oybek, Oltin vodiydan shabadalar
Nurining nikoh kuni u begona qiz — uzoq qiz butunlay tanish va yaqin boʻlib qoldi. — Oybek, Tanlangan asarlar
4. koʻchma Bevosita aloqasi, munosabati yoʻq; aloqasiz.
Bundoq maslahatlarda mahkama sohibi, ammo ilm-u fandan uzoq Ahmad Chalabiy ham bir chekkada esnab oʻtirardi. — Mirmuhsin, Meʼmor
Sultonmurod shu vaqtgacha xalq tirikchiligidan uzoq yashar, uning dardlariga begona edi. — Oybek, Navoiy
fl. 1. Koʻp (ancha) vaqt oʻtkazmoq (oʻtmoq).
Uzoqlamay Normuhammad qushbegi Qoʻqondan bosh toblab, oʻz oldiga mustaqil hukumat eʼlon qilgan boʻldi. — A. Qodiriy, Oʻtgan kunlar
2. ayn. Uzoqlashmoq.
Dilbar, goʻyo oʻz nomini unutgandek, orqasiga qaramay uzoqlab ketdi. — Guldasta
Ikromjon shovullab turgan kimsasiz toʻqay ichida ancha uzoqlab ketgan edi. — S. Ahmad, Ufq
fl. Uzoqlamoq feʼlining majhul nisbati.
fl. ayn. Uzoqlamoq feʼlining orttirma nisbati, uzoqlashtirmoq.
fl. 1. Biror kimsa yoki narsadan nari (uzoq) ketmoq; yiroqlashmoq.
Zaynab orqasiga qaray-qaray, Otabekdan uzoqlashdi. — A. Qodiriy, Oʻtgan kunlar
Choyxoʻrlar birin-ketin oʻrinlaridan turib, Oyqizning koʻzidan uzoqlashishga shoshilar edilar. — Sh. Rashidov, Boʻrondan kuchli
2. koʻchma Qarindoshlik, qadrdonlik, yaqinlik aloqalarini susaytirmoq yoki yoʻqotmoq; bordi-keldi qilmay qoʻymoq; begonalashmoq.
U [Mirzakarimboy] oʻz ichida oʻyladi: Onasining uzoqlashib ketgan togʻasini yigit bekorga yoʻqlab keladimi? — Oybek, Tanlangan asarlar
Gavhar bir narsani tushunmasdi: Odamlar undan uzoqlashyaptimi yo oʻzi odamlarga begona boʻlib qolyaptimi? — Oʻ. Hoshimov, Qalbingga quloq sol
Ravshan esa lahza sayin begonalashib, uzoqlashib borar, yoniga yoʻlatmasdi. — Yoshlik
yiroqlik Uzoqlik, uzoqda boʻlish.
olislik Uzoqlik, yiroqlik. Men ham qarshi emasman-u, bir tomoni — yolgʻizlik, yana bir tomoni — shaharning olisligi. H. Gʻulom, Mashʼal Muxtasar yangi uy qurib olgach, es
perspektiva perspective < lot. perspicere — ich-ichidan koʻrmoq, sinchiklab qaramoq esk. Kelajakdan kutilgan yoki kelajakda amalga oshirilishi koʻzda tutilgan maqsad, niy
Bu ertakda Xizr xudoning inoyati bilan tugʻilgan qizning gʻaroyib xususiyatlari va uning boshidan kechirgan sarguzashtlari hikoya qilinadi. Qizning baxtiga koʻz
Boqijon va Guloyimning sadoqatli muhabbati va sabr-toqati ularni ogʻir sinovlardan olib oʻtib, baxtli hayotga yetaklaydi. Ertakda qiyinchiliklarga qaramay, mehr
