Qidiruv

ot 1. Biror kasb-hunar bilan shugʻullanuvchi malakali mutaxassis.

Soatsoz usta. Etikdoʻz usta. Tikuvchilik ustasi. Ish ustasidan qoʻrqar. — Maqol

Bu binoni kim qurgan, Koʻk bilan ulashtirib? Qomatin zab oʻxshatgan Ustasi kelishtirib. — Q. Muhammadiy

[Uylagan:] Ogʻil solgan ustalarga doim qarashdim, lekin birovdan bir chaqa soʻraganim yoʻq. — A. Qahhor, Qoʻshchinor chiroqlari

2. Maʼlum kasb yoki hunarni egallashga oʻrgatuvchi shaxs; rahbar, ustoz.

Usta koʻrmagan shogird har maqomda yoʻrgʻalar. — Maqol

Ustaning shogirdi — oʻn toʻrt yashar Yoʻldosh deraza oldida oʻtirardi. — Oybek, Tanlangan asarlar

Aka-uka usta qoʻlida uch yil ishlashdi — Mirmuhsin, Meʼmor

3. Shunday shaxslarni bildiruvchi soʻzlarga (shaxsning ismi yoki buva, amaki kabi soʻzlarga) qoʻshib ishlatiladi.

Qishloq chekkasida usta Abduvahob degan, Ashtdan koʻchib kelib qolgan tojik yashaydi. — T. Ashurov, Oq ot

Usta boboning kayfi chogʻ edi. — S. Siyoyev, Yorugʻlik

Usta amaki, mundan xalat tikib bersangiz. — Guldasta

4. Biror ish, sohaning mashhur, mohir bilagʻoni; mohir.

Badiiy soʻz ustasi. Yuqori hosil ustalari. Sanʼat ustalari.

5. Sportning u yoki bu sohasida maʼlum natijalarni qoʻlga kiritgan sportchilarga beriladigan unvon va shu unvonga ega boʻlgan shaxs.

Sport ustasi. Xizmat koʻrsatgan sport ustasi.

6. Epchil, chechan.

Marasul aka, koʻk piyoz toʻgʻrashga ustasiz — A. Qahhor, Ogʻriq tishlar

Gapga ham usta ekansiz — Mirmuhsin, Meʼmor

Maynabozchilik qilishga usta edi Rahim aka. — F. Musajonov, Himmat

ot 1. Pul hisobida tayinli (belgilangan) miqdorga qoʻshib beriladigan; ustiga qoʻshimcha.

Agar paykal sifatli haydalgan boʻlsa, mexanizatorga ustama haq toʻlanadi. — Gazetadan

Kuzga borib mehnat haqidan tashqari qancha ustama mukofot olishlarini ham xayolida choʻtlab aytib berdi. — S. Anorboyev, Yoʻlda yoʻldosh boʻlganlar

2. Mahsulotning ishlab chiqarilishi bilan bogʻliq boʻlmagan, tannarxdan tashqari, tannarx ustiga qoʻyiladigan.

Xullas, egov va boshqa bir qancha tovarlarga ham mudirning hakalak otgan nafsiga javob beradigan darajada ustama narx qoʻyildi. — Gazetadan

Oʻgʻitlarni joylashtirish uchun katta-katta omborlar zarur. Mana shularning hammasi ustama xarajatlarni ancha koʻpaytirib yubormoqda. — Sh. Rashidov, Boʻrondan kuchli

3. s.t. kam qoʻll. Qoʻshimcha ravishda; yana.

Bir necha taryokiylar mening hikoyalarimdan oʻzlaridan ketay deb qoldilar, baʼzilari hozirgina yegan afyunlari eslarida yoʻq, yana ustama afyun yeb oldilar. — Gʻ. Gʻulom, Shum bola

ot Soch-soqolni qirish uchun ishlatiladigan oʻtkir tigʻli, dastali asbob.

Sochini ustara bilan qirdirgan, yangigina margʻilonnusxa doʻppisi oʻziga yarashib turardi. — H. Gʻulom, Feruza

Otasi Afgʻonistondan olib kelgan dandon sopli ustara yarim ochiqligicha chormixga ilinib turibdi. — S. Siyoyev, Yorugʻlik

ot 1. Maʼlum ish yoki hunar boʻyicha ustalarga boshchilik qilib, ularni boshqaruvchi, bosh usta; korxona boshligʻi.

Usta Olim bilan usta Farfining soʻzlaridan, ilgarida bir ustakornikida ishlaganliklari va shundan soʻng [usta Olim] oʻz uyiga doʻkon qurib, oʻzicha ishlay boshlaganligi anglashilar edi. — A. Qodiriy, Oʻtgan kunlar

2. Nom chiqargan usta; ustalarning ustasi.

ot 1. Usta ekanlik.

Hammasini ham qoʻying-a, gapga ustaligi va gap orasida kulib qoʻyishlarini qarang. — Oydin, Sadagʻang boʻlay, komandir

2. Ustaga xos mahorat; mohirlik.

Yuryev bu yoʻlning ana shu noqulayliklaridan ustalik bilan foydalanadi. — I. Rahim, Chin muhabbat

Bikaning uyida qanchadan-qancha jihozlar kimxob toʻshaklar, ustalik bilan ishlangan Xiva yoyma koʻrpalari. — J. Sharipov, Xorazm

3. Ustaga oid, usta bilan bogʻliq (

Ustalik ishim yoʻq. Samovarga choy ichgani keldim. — S. Siyoyev, Yorugʻlik

ot 1. Biror narsa yasash, tayyorlash yoki taʼmirlash uchun maxsus jihozlangan kichik muassasa va uning binosi.

Umarali texnika ustaxonasi oldida qatorlashib turgan mashinalar ichida Pobeda ga havas bilan qaradi. — I. Raxim, Ixlos

Avaz yarim soatcha dam tortib oʻtirdi-yu, bu tor, nimqorongʻi ustaxonadan zerikib, chiqib ketdi. — S. Siyoyev, Yorugʻlik

2. Korxona, xoʻjalik va shu kabilarda ustachilik, taʼmirlash ishlarini olib boruv-chi boʻlim.

Xoʻjaliklarning ustaxonalari bu ishga moslashtirilmagan, yigʻish sifati texnika talablariga mutlaqo javob bermaydi. — N. Xudoyqulov, Yer tafti

Har bir oʻquv kabineti va ustaxonaga kombinat boʻlinmalarining rahbarlari biriktirib qoʻyilgan. — Gazetadan

3. Rassom, haykaltaroshning ish olib boradigan joyi, xonasi (xonalari).

Rassom oʻz ustaxonasida yolgʻiz ijod qiladi. — Gazetadan