Поиск

fl. esk. Oʻrab olmoq, qoplamoq, berkitmoq.

Xotin boshini katta roʻmol bilan urtib oldi. Kitoblarni qogʻoz bilan urtib qoʻymoq.

ot esk. Sirtdan qoplab turuvchi parda.

Loyqa suv koʻksida pufakdek oqib, Qayerga borasiz, yengil koʻpiklar. Bir choʻp yo bir xasga ilashmak bilan Yirtilardi yuzdan sirli urtuklar. — Gʻayratiy

ot 1. Oʻsimlikning tana va novdalarida boʻrtib paydo boʻladigan, rivojlanib, barg, gul, shox kabi qismlarga aylanadigan aʼzosi, boshlangʻich aʼzosi.

Barg kurtagi. Gul kurtagi. Poya kurtagi. Novda kurtagi

Erta bahor, daraxtlar endi kurtak chiqara boshlagan payt. — J. Sharipov, Xorazm

Shudringda yuvingan akatsiya shoxlari koʻk-qizgʻish tusga kirib, kurtak tugishga tayyorlana boshlagan, gul ekish uchun yumshatilgan tekis tuproq uzoqdan baxmalga oʻxshab koʻrinadi. — P. Qodirov, Uch ildiz

2. koʻchma Biror narsaning oʻsib, rivojlanadigan dastlabki namunasi, rivojlanishidan darak beruvchi nishonasi.

Yangilik kurtaklari. Kelajakning kurtaklari.

Rustamdan koʻzini uzmas, chehrasi borgan sari ochilib, sevgi kurtaklari gʻunchaga, gʻuncha esa gulga aylanib borayotgandek tuyulardi. — V. Gʻofurov, Vafodor

ot 1. din. Dindan qaytgan, xudoga shak keltirgan odam.

Islmiyatdan qaytgan kishini kitoblarda murtad deydilar. — S. Ayniy, Doxunda

2. siyos. Oʻz siyosiy maslagidan qaytib, dushman tomoniga oʻtgan kishi; sotqin; xoin.

Har kim jadidga, bolsheviklarga, murtadlarga, qisqasi, janobi oliyga yogʻi boʻlib gʻazoga chiqmasa, moli talon, xotini taloq. — S. Ayniy, Qullar

3. Jirkanch, palid.

Murtad bashara. Murtad shaxs.

ot 1. ayn. 1 embrion.

2. bot. Urugʻ ichidagi unib chiqadigan niholcha.

3. tib. Shamollash yoki bir turli mikroblarning taʼsiri natijasida yalligʻlangan yoxud yiring olgan tomoq bezlari.

Otaning tomogʻida nimadir tiqilganday boʻldi. Murtak chiqqanda, shunaqa boʻlguvchi edi. — A. Eshonov, Tongotar taronasi

ot shv. Qurut yoki suzmani qaynagan suvda ezib tayyorlangan, ayrondan quyuq parhez ovqat.

[Mohira buvi:] Hoy, bolam Qoʻchqorjon, boloxonaga chiqib, bir kosa qurt olib tush. Betobga jinday sariyogʻ solib, qurtava qilib beray. — O. Yoqubov, Er boshiga ish tushsa