Поиск

ot 1. Gigiyena va kosmetika maqsadlarida ishlatiladigan xushboʻy va nihoyatda mayin kukun.

Yogʻupa. Upa qutichasi. Upa qoʻymoq.

Bozorov yashiklarni ochib qoʻydi: oq qand, konfet, sovun, atir, upa Bularning muattar hidi gurkurab, dimogʻga urib, qizlarni quvontirib yubordi. — I. Rahim, Chin muhabbat

2. koʻchma Upaga oʻxshash mayin kukun haqida.

Yuzingizda changni koʻrdim Goʻyo boʻz yer upasi. — P. Moʻmin

Upasi koʻproq guruchni 4-5 marotaba erinmay yuvish zarur. — K. Mahmudov, Oʻzbek tansiq taomlari

ot Pardoz uchun ishlatiladigan upa, yogʻupa, surma va shu kabilar.

Xotinning yoshi oʻttizdan oshgan boʻlsa-da, upa-eligi, pardozi bilan yoshroq koʻrinar edi. — Oybek, Tanlangan asarlar

U ichkaridan sochini orqasiga tangʻib, labiga qizil surkab, upa-elik qoʻyib chiqdi. — A. Muxtor, Opa-singillar

Koʻp oʻtmay Chilonzordagi magazinning upa-elik boʻlimida ishlayotganmish, degan gap tarqaldi. — D. Nuriy, Osmon ustuni