sft. 1. Butun boricha; koʻp miqdorda; koʻtara.
Ulgurji savdo. Ulgurji olmoq. Ulgurji sotmoq.
Donalab sotdim. Bu yerda ulgurji oladigan kishi yoʻq. — I. Rahim, Chin muhabbat
Sotiboldi toʻqilgan savatchalarini ulgurji oladigan baqqoldan yigirma tanga qarz koʻtardi. — A. Qahhor, Bemor
2. Katta miqdorda, katta summaga ega; salmoqdor.
Ulgurji hosil. Magazinga ulgurji mol keldi.
Pulini foydaga qoʻyuvchi sudxoʻr hindlar ulgurji savdoni koʻtardilar. — Sh. Toshmatov, Erk qushi
Ulgurji narx haqidagi xushxabarni maʼlum mijozlarga yetkazish keyingi yillarda Poshsha xolaning vazifasi boʻlib qolgandi. — D. Nuriy, Osmon ustuni
3. Boshdan-oyoq, butunlay.
Ulgurji remontdan chiqarmoq.
- Ulgurji bozor Tovar isteʼmolchilariga yoki ularni chakana sotadigan xaridorlarga tovarlar yirik toʻp (partiya) lari bilan koʻtarasiga sotiladigan bozor.