Қидирув

фл. 1. Ип, арқон, тасма ва шу кабилар нарсаларнинг учларини бир-бирига боғлаб бириктирмоқ.

Отнинг тизгинига арқон улаб беринглар, ўзим ҳайдаб кетавераман. — А. Қаҳҳор, Асрор бобо

— Шошманглар, шошманглар, — деди дуторнинг ипини улаётган Мели полвон. — П. Турсун, Ўқитувчи

Тоҳир иккала белбоғини бир-бирига улаб, бир четини белига боғлаб, кўприкнинг тагига осилиб тушди. — П. Қодиров, Юлдузли тунлар

2. Бутунлаш мақсадида ямаш, пайвандлаш ва шу кабилар ёʻл билан бириктирмоқ.

Даҳлизда Ҳасанали узилган от асбобларини улаб тикар эди. — А. Қодирий, Ўтган кунлар

Ёʻлда чанғароғи синган экан, шуни улаймиз деб уриниб қолдик. — Ш. Холмирзаев, Ёʻллар, ёʻлдошлар

Қулоч етмас баҳайбат қувурларни бир-бирига улаш ишлари кетяпти. — Газетадан

3. кўчма Туташтирмоқ, боғламоқ.

Ғишт-кўприк иккита катта кўчани бир-бирига улайди. — Шарқ юлдузи

4. қ.х. Пайванд қилмоқ.

Гилосни олчага уламоқ. Наъматакка атиргулни уламоқ.

5. кўчма Биридан кейин бошқасини қўшиб, узлуксиз давом эттирмоқ.

Ишни ишга уламоқ. Куйни куйга уламоқ. Кунни тунга уламоқ.

У ҳар тўғрида тинимсиз гапириб, гапни гапга улаб юборди. — О. Ёқубов, Тилла узук

Абдураҳимов сигаретнинг тутунини тутунига улаб чекаркан, ўзидан ўзи гапира кетди. — Муштум

[Низомжон] Кечалари юлдуз тўла осмонга тикилиб, тунни тонгга улаб, қушлар наъмасидан, сувлар шилдирашидан кўнглига аллақандай юпанч изларди. — С. Аҳмад, Уфқ

6. Алоқа, боғланишни тикламоқ, туташтирмоқ.

Алло, менга Бухорони улаб беринг. — Т. Алимов, Хушбичим йигит

Кейин телевизорни токка улади. — Т. Ашуров, Оқ от

сфт. Бириктириб, улаб қўйиладиган, уланган.

Улама соч. Улама киприк. Улама оёқ.

Унинг пиджаги билан галстуги стул суянчиғига осиб қўйилган; кўйлагининг улама ёқаси яғринига қийшайиб тушган, олдида ёзиб-чизиб ташланган қоғоз тахланиб ётибди. — П. Қодиров, Уч илдиз

от Ислом илоҳиётчилари ва ҳуқуқшунос (фақиҳ)лари, шунингдек, диний муассасаларга, суд (қозилик) маҳкамаларига, ўқув юртларига мутасадди бўлган барча ислом дини олимлари.

— Дуруст, миянг тўлибди, — деди кулиб Тантибойвачча, — яқин ўртада унча-мунча уламони бир чўқишда қочирасан. — Ойбек, Танланган асарлар

Маъдалихон [Муҳаммад Алихонга] фатво ёзиб берган Қўқон уламоларидан бир нечалари қочиб қутулдилар. — А. Қодирий, Меҳробдан чаён

— Ёшларга ҳомийлик қилиш, ёʻл-ёʻриқ кўрсатиш исломнинг, уламоларнинг ишидир, — деди қалтираб, бўзариб мунофиқлардан бири. — Ойбек, Нур қидириб

от 1. Нарсаларни бир-бирига бириктириш, улаш учун ишлатиладиган восита.

Шиша бўлаклари, одатда, бир-бирига қўрғошиндан қилинган улагичлар ёрдамида уланади. — М. Аминжонова, Шишанинг кашф этилиш тарихидан

2. Электр токини узиш, улаш учун хизмат қиладиган мослама.

Аккумулятордан келаётган ток тўғридан-тўғри трансформаторга келмасдан, узгич-улагич орқали келади. — Газетадан

фл. Уламоқ феълининг мажҳул нисбати.

фл. Уламоқ феълининг орттирма нисбати.