от 1. Бирор мақсадда ажратилган ер бўлаги, майдон.
Бундан чиқадиган сув билан мактаб участкасинигина эмас, унга туташган томорқа ерларни ҳам суғориш мумкин. — Ҳ. Назир, Чўл ҳавоси
Эл-мурод полкдан ўз баталонига участка олиб, мудофаага ўтганда, тонг ёришиб қолган эди. — Шуҳрат, Шинелли йиллар
2. Ер майдони, даланинг бирор белгиси билан ўзига хосликка, алоҳидаликка эга бўлган бўлаги.
Кўчатхонада бир участка тайёрланиб, унга мажнун арча кўчатлари ўтқазилди. — Газетадан
3. Маълум бир хўжаликнинг ҳудудий жиҳатдан ажратилган, алоҳида бўлими.
Ўрмонжон бугун, негадир ҳамма участкага борди, кечга яқин уйига қайтди. — А. Қаҳҳор, Қўшчинор чироқлари
4. Бирор нуқтайи назардан чегараланиш-да ҳудудий ички бўлинма, бўлинмалар; ҳу-дудлар.
Халқ судларининг ҳозирги вақтда амалда бўлган участка системасини тугатиш ва ягона туман (шаҳар) халқ судларини тузиш кўзда тутилади. — Газетадан
Ҳозир, сен келмасдан бир оз бурун, бир одамни Қумариққа юбордим. Участка пристави ҳам ўша ер-да. — Чўлпон, Кеча ва кундуз
5. Маълум бир иш-фаолият олиб борилаётган, унга оид жой, обект.
Қурилиш участкасининг бошлиғи Гулбой Бўриевнинг ишончи комилки, йирик обект ҳам белгиланган муддатда аъло сифат билан топширилади. — Ўзбекистон қўриқлари
Эркаклар билан тенг ҳуқуқли аёлларни бугунги кун-да ишлаб чиқаришнинг барча участкаларида учратиш мумкин. — Газетадан
6. с. т. Хусусий уй-жой қуриш учун расмий равишда ажратиб берилган ер, майдон ва унда барпо этилган ҳовли-жой.
Уларнинг участкаси ҳали битмаган, икки уйни хомсувоқ қилиб, кўчиб киришган эди. — Ў. Ҳошимов, Қалбингга қулоқ сол
Участка олиш учун ариза берганимга икки йил бўлди, ҳалигача дарак ёʻқ. — Муштум
Бу орада ер тузувчи Худой Назаров билан ўзингиз иккитадан тўртта участка қуриб олдингиз. — Муштум