Qidiruv

sft. 1. Biror tushunchaga ega boʻlgan, biladigan, saviyasi keng.

Tushunchali odam.

2. Ongi baland; ongli.

Tushunchali kurashchi.

ot 1. Narsa va hodisalarning mantiqan ajratilgan muhim belgilarini, aloqa va munosabatlarini umumlashtirib aks ettiruvchi umumiy tasavvur; tafakkur shakli.

Soʻz turkumlari haqida tushuncha. Materiya haqida tushuncha. Qoʻshimcha qiymat tushunchasi.

2. Umuman, narsalar, hodisalar haqidagi tasavvur, tushunish.

Qishloqqa yangi zamonning yangi odamlari kelar va yangi nom, yangi tushuncha olib keladilar. — P. Tursun, Oʻqituvchi

Keyingi kunlar uning [Abdulahadning] hayot haqidagi barcha tushunchalarini ostin-ustun qilib, oʻzgartirib yubordi. — A. Muxtor, Chinor

Xalq tushunchasicha, hajga borib, tabarruk boʻlib kelgan kishining qoʻlidan bu xil pastkashliklar kelmas, agar kelsa, u asl hoji emas, yolgʻon hoji deb qaralar edi. — M. Ismoiliy, Fargʻona tong otguncha

3. Onglilik darajasi, ong.

Siyosiy tushuncha.

Bizning maqsadimiz — kishilarga ong, tushuncha bermoq, toki har bir kishi yaxshilik va yomonlikni, oq-u qorani oʻzi ajrata oladigan boʻlsin! — P. Tursun, Oʻqituvchi

4. Insonning bilim va tasavvurlari darajasi; saviya.

Tushunchasi past odam.

sft. 1. Biror tushunchaga ega boʻlmagan, hech narsa bilmaydigan, saviyasi past.

Tushunchasiz odam.

2. Ongi yoʻq yoki past; ongsiz.