fl. 1. Tushov bilan oyoqlarini bogʻlamoq, oyogʻiga tushov solmoq.
Qoʻradan tashqaridagi maydonda ikki tuya yonma-yon choʻktirilib, tizzalari chilvir bilan bogʻlangan va ikki eshak tushovlab qoʻyib yuborilgan edi. — S. Ayniy, Qullar
Otlarni tushovlab, oʻtga qoʻyib kelayotgan Sherbek uzoqdan: — Horma, Suvonjon! — deb qichqirdi. — S. Anorboyev, Oqsoy
2. koʻchma Erkin harakatlana olmaydigan qilmoq, izmiga boʻysundirmoq.
Oramizda hech narsa yoʻqligini, boshqalar bilmasa ham, siz bilasiz. Endi oʻsha yolgʻon gap-soʻzlar bilan meni tushovlab olmoqchimisiz? — P. Qodirov, Qalbdagi quyosh
Ibrohimbek miyigʻida kulumsiradi. Kulumsiradi-yu, yigitni baharhol tushovlab olgandek tuydi oʻzini. — Sh. Xolmirzayev, Qil koʻprik