Qidiruv

2. biol. Oʻsimlik va hayvonlar tizimida biror turkumga mansub, alohida sifatga ega boʻlgan shakl, tasnif birligi

Ussuri qoboni — yapon choʻchqasining bir turi

Irsiyat tufayli uzok; evolyutsiya davomida paydo boʻlgan asosiy strukturalar hamma turlarda saqlanib qoladi — "Fan va turmush"

3. Baʼzi belgi bildiruvchi soʻzlar bilan qoʻllanib, "tarz", "holat", "ahvol" maʼnolarini bildiradi

Ellikboshi bir minut qadar sukut qilib, haligi "ikki ogʻiz" soʻzni qay turda boshlashni oʻyladi-da, jilmayib qoʻydi — Oybek, Tanlangan asarlar

-Bugun ertsshab domla biznikiga kelgan edi, — dedi Sultonali jiddiy turda — A. Qodiriy, Mehrobdan chayon

ot Ikki ustunga gorizontal holatda oʻrnatilgan temir toʻsindan iborat gimnastika snaryadi, moslamasi.

Turnikda gimnastika qilmoq.

Mana chinakam bola-lik: ozoda va yorugʻ sinflarda oʻqish, maktab sahnida ochiq havoda fizkultura mashqlari qilish, yongʻoq oldidagi turnikda osilib, charxpalak boʻlish, shashka-shaxmat oʻynash, qoʻshiqlar aytish Mana bolalik! — P. Tursun, Oʻqituvchi

ot Sportning shaxmat, shashka, futbol va shu kabilar turlarida qatnashuvchilarning har biri shaxsiy yoki jamoaviy birinchilik uchun maʼlum tartibda, barcha qatnashuvchilar bilan bir yoki bir necha martadan uchrashadigan musobaqa.

Xalqaro shaxmat turniri. Turnir jadvali.

Rasmiy musobaqalardan tashqari oila aʼzolari oʻrtasida ham har xil turnir, matchlar oʻtkazib turiladi. — M. Muhiddinov, Donalar maftuni

ot 1. Turkiya davlati asosiy, tub aholisining, millatining nomi.

Turk xalqi. Turk millati.

2. Shu xalq, millatga tegishli, mansub, oid.

Turk ayoli. Turk tili.

ot Hosili koʻkishroq rangda boʻladigan va pishirilmay ovqatga qoʻshib yeyiladigan sabzavot oʻsimligi.

Turpga suv qoʻymoq. Turp toʻgʻramoq.

Shoʻrni aritish uchun suvni koʻp talab qiladigan sholgʻom va turp ekish eng yaxshi chora emish. — A. Qodiriy, Obid ketmon

Keksa temirchi chuchuk turp bilan osh yeyishni sevardi. — Sh. Rashidov, Qudratli toʻlqin

Bu payt grafinda konyak bilan ikki likopcha toʻgʻralgan turp qoʻyib ketdi. — J. Abdullaxonov, Oriyat

Mevasidan sharbat olinganda, 20-25 protsent turpi qoladi. — Fan va turmush

ot Tashqi qiyofa, avzo, vajohat (asosan, salbiy munosabat bilan)

Turqi sovuq odam. Turqini buzmay gapirmoq. Turqing qursin! Turqingni yel yesin!

Turqi buzuq erkaklarning Ur uni [Hojarni]! U qishlogʻimizga isnod keltirdi! deb xuddi hayvondek oʻkirganlari quloqlarim ostida qayta yangradi. — H. Nosirova, Men oʻzbek qiziman

Shu vaqt butalar orasidan ket! degan yoʻgʻon tovush eshitildi. Birdan itlarning turqi oʻzgardi-qoldi. — S. Anorboyev, Oqsoy

Shirmonxon hovliga chiqdi. Osmon yuzini qoplagan turqi xunuk bulutlarga tashvishli nazar tashladi. — S. Zunnunova, Olov

Devor ustida turgan oʻn ikki yoshlardagi bir qiz devordan kesak koʻchirib olib, mulla Norqoʻziga oʻqtaldi: — Ha oʻl, turqing qursin! — A. Qahhor, Mayiz yemagan xotin

— Oting oʻchkur, — dedi ichida oʻgay ona Umidga tikilib, — hali sen odam boʻlib qoldingmi! Turishini qara, voy turqingni yel yesin! — Mirmuhsin, Umid