Қидирув

от 1. Туркия давлати асосий, туб аҳолисининг, миллатининг номи.

Турк халқи. Турк миллати.

2. Шу халқ, миллатга тегишли, мансуб, оид.

Турк аёли. Турк тили.

сфт. Турк этноси, унинг тили ва маданиятига оид (

Туркий тиллар. Туркий халқлар.

от 1. Тўда, тўп, гуруҳ.

Бир туркум одамлар.

Учинчи туркум фотиҳахонлар келгандан сўнг, махдум Анвар олдига киши юбориб, уни чақиртириб келишга мажбур бўлди. — А. Қодирий, Меҳробдан чаён

Ҳовли ўртасида оламни бошига кўтариб Улуғбуви йиғлар, бир туркум хотинлар унинг атрофини ўраган эди. — Ҳ. Шамс, Душман

2. Бир-бирига боғлиқ бўлган, бир бутунни ташкил этган бир неча асар, маъруза ва шу кабилар; давра, сикл.

Пахтакорлар ҳақидаги шеърлар туркуми. Адабиёт назариясидан маърузалар туркуми.

Сатирик журналистикада фелетонлар ва памфлетлар туркуми ҳам мавжуд бўлиб, улар ўз ҳажми ва имкониятлари билан повест жанрига яқин туради. — ЎТА

3. биол. Ўсимлик ва ҳайвонлар тизимида бир неча оилани ўз ичига олган бўлинма.

Чумчуқсимон қушлар туркумининг қарғасимонлар оиласи.

Қалдирғоч — чумчуқсимонлар туркумига мансуб қуш. — Фан ва турмуш

от эск. Пантуркизм тарафдори, пантуркист.

от 1. Туркманистоннинг асосий аҳолисини ташкил этувчи халқ ва миллат номи.

Туркман халқи. Туркман миллати.

2. Шу халқ, миллатга мансуб, тегишли.

Туркман тили. Туркман маданияти.

1. эск. Туркий тил ва адабиётига оид; туркий.

Туркона байт,

Келиннинг атрофида, орқасида келаётган гуруҳ-гуруҳ аёллар туркона расм билан ёр-ёр айтдилар. — Ойбек, Навоий

2. Халқ табобатига оид; хонаки.

Туркона дори.

Отинларнинг туркона эми тариқча бўлсин отамга таъсир бермади. — Ғайратий, Ёшлигимсиз

Яраш полвон кекса момоларнинг тилига кириб, хотинини туркона муолажа қилдирди. Фойда чиқмади. — С. Сиёев, Отлиқ аёл