Поиск

ot Tom yopish va boshqalar maqsadlar uchun maxsus tayyorlangan yupqa, taxta-taxta temir.

Oq tunuka. Rux tunuka. Tunuka choynak. Tunuka pechka.

Novvot ona ishdan qaytib kelganda, Oʻrinjon oʻzi yasagan uychaning ustiga tunuka qoqayotgan edi. — Oydin, Oʻzi monand

Samandarov etigining qoʻnjidan tunuka quticha chiqarib, maxorka oʻradi. — A. Qah-hor, Qoʻshchinor chiroqlari

sft. Tunuka bilan yopilgan, tunuka qoplangan (tom haqida).

— Toshkentdagi uylardan chakka oʻtmasa kerag-a? — deb soʻradi u. — Oʻtadiganlari ham bor. Lekin koʻpi tunukali uylar. — dedi Elmurod. — P. Tursun, Oʻqituvchi

ot ayn. Tunukasoz.

Baland tom ustida emaklab yurib, tunukachilar tunuka qoqardilar. — P. Tursun, Oʻqituvchi

ot 1. Tomga tunuka qoquvchi mutaxassis; tunukachi.

Bu odam pora orqasidan oltita uchastka solgan, yettinchisini qurayotganda, tunukasoz bilan urishib qolib, tomdan yiqilib oʻlgan. — Mushtum

2. Tunukadan turli asbob-anjom yasovchi usta, tunuka ishlari ustasi; tunukachi.

Keksa dehqon Yusuf ota obrazi oddiy tunukasoz chol Orif ota Yusupovga topshirildi. — S. Xoʻjayev, Oʻzbek tarixiy filmlari

Ha, hunarmand tunukasoz-temirchining qoʻli kalta boʻladi. — K. Yashin, Hamza

qańıltır sogıwshılıq.

ot 1. Tunukasoz ishi, kasbi.

Tunukasozlik qilmoq. Tunukasozlikni oʻrganmoq.

2. Tunuka ishlariga oid, tunuka ishlari bajariladigan.

U yerda sandiqsozlik, tunukasozlik doʻkonlari bor edi. — J. Sharipov, Xorazm