Qidiruv

ot 1. Xalqona, diniy tasavvurga koʻra, goʻyo egasini koʻz tegishdan, balo, ofat, ins-jins va shu kabilardan saqlaydigan, ichiga duo bitilgan qogʻoz joylangan uchburchak narsa (odatda boʻyinga, qoʻltiqqa, sochga taqiladi yoki kiyimning ichki qismiga tikib qoʻyiladi).

Duo tumor. Koʻz tumor,

Nima bu, qanday tumor, Doʻppi ichra chatilgan? — Gʻ. Gʻulom

Shayx duotalab ikki ayolga tumor yozib berayotgan edi. — S. Siyoyev, Yorugʻlik

Asqar mulla dam solar, band qilib, tumor bitib berar edi. — S. Zunnunova, Olov

2. etn. Xotin-qizlarning kiyim ustidan boʻyinga osiladigan yoki yelkaga osib, qoʻltiqqa tushirib yuriladigan bezagi.

Boyvachcharoq qizlar boʻyinlariga zebigardonlar, boʻyin tumorlar, qoʻltiq tumorlar, tilla-qoshlar taqib olgan. — M. Muhammadjonov, Turmush urinishlari

3. sft. s. t. Uchburchak (tumor) shaklga ega boʻlgan.

Tumor yer.

Faqat necha ming kilo-metrlar yoʻl bosib kelgan tumor xat unga [Poʻlatjonga] tasalli berdi. — S. Ahmad, Qadrdon dalalar

ot Tumor soʻzidan kichraytirish shakli.

ayn. Tumornusxa.

U [Begijon] tumortaxlit buklangan bir qogʻozni menga uzatar ekan, hayo bosgandan boʻlsa kerak, iyagida marvarid donalari singari mayda-mayda terlar paydo boʻldi. — N. Safarov, Sevgi

n [C] tumor yoki tumor oʻrnida taqib yuriladigan narsa :: amulet /ʼæmjulɪt/ n [C] tumor yoki tumor oʻrnida taqib yuriladigan narsa

ot 1. Ayollar boʻyniga taqadigan ziynat buyumi.

2. etn. Ichiga diniy mazmundagi duo yozib solingan tumor.

Boʻyintumor oʻrniga galstuk Bogʻlanadi qizlar boʻyniga. — Uygʻun

ot Zargarlik buyumi; ayollarning yelkadan oshirib, qoʻltiq ostidan oʻtkazib taqiladigan taqinchogʻi.