Поиск

ot Bevalik.

ot Eri yoki xotini oʻlib yolgʻiz qolgan; beva, yesir.

Tul xotin. Tul qolmoq.

Qancha-qancha onalar, kelinchaklar tul boʻldi. — Z. Diyor

[Ahmadning] Pastdagi qoʻshnisi tul erkak, juda boʻshang, beozor odam edi. — F. Musajonov, Himmat

ot 1. Boʻrisimonlar oilasiga mansub, tumshugʻi uzun, dumi mayin uzun junli, oʻta sezgir va ayyor yirtqich sutemizuvchi hayvon.

Qalin maysalar orasida sargʻish ayyor tulki alanglab borar edi. — Nazarmat, Joʻrlar baland sayraydi

Kovakni boyvachcha tulki ovlab yurganida koʻrgan edi. — S. Yunusov, Kutilmagan xazina

2. Shu hayvonning moʻynasi va undan tayyorlangan telpak va boshqalar

Oysuluv uygʻonib, ungurning ogʻziga chiqib turgan edi Suvonjon unga quyon rangli tulkini uzatdi. — S. Anorboyev, Oqsoy

Boshiga tulki telpak kiygan bu otliq unga tanish koʻrindi. — H. Gʻulom, Mashʼal

3. koʻchma Oʻtaketgan ayyor, makkor odam haqida.

Ishonmayman-u, lekin qari tulki eridan koʻp narsani yashirishini bilaman. — Oʻ. Umarbekov, Yoz yomgʻiri

Haqiqatda esa, bu tulkilar uni laqillatadilar. — A. Qahhor, Sarob

ot 1. Terisiga poxol tiqilgan buzoq (bolasi oʻlgan sigirni iydirishda foydalaniladi).

2. Ichiga poxol va boshqalar narsa tiqib qotirilgan hayvon, qush va shu kabilar

Ayiq tulumi. Burgut tulumi. Laylak tulumi. Tulum ustaxonasi.

Uning [Polvonning] yoniga bir-muncha oʻrdak tulumlari uyilib qoʻyilgandi. — J. Sharipov, Xorazm

Bolaligidan boqib oʻstirilgan qushni ovga oʻrgatishda quyon, tulki singari hayvon tulumlaridan foydalaniladi. — Fan va turmush

3. Mesh, sanoch.

ot 1. Bulturgi, qari (ikki, uch yillik), tullagan, tullab chiqqan (parrandalar haqida).

Dam olib oʻtirganlarga choy tashiyotgan Tojivoy yurib keta turib. tullakning ovozidan zavqlanardi. — Mirmuhsin, Chiniqish

2. koʻchma Ayyor, makkor, firibgar odam haqida.

Tullak odam.

—Tabiiy, bular roʻparalaridagi yuzdan toʻqsonni urgan va bir haftada toʻrt-besh bozorni oladigan tullaklar edilar. — Sh. Rizo, Qor yogʻdi, izlar bosildi

Oʻzi ham ish koʻrgan tullak emasmi, endi bu ogʻir holatdan ustalik bilan chiqib olish yoʻllariga yopishadi. — A. Qodiriy, Obid ket-mon

ot 1. Nasldor, chopqir, uchqur ot; argʻumoq.

Bos oldin, tulporim, chu, azamat, chu. — Gʻ. Gʻulom

Tulpor otlar yel quvib ilgariladi-da, tepalik yonbagʻridan yurib, oʻr-mon ichiga kirib ketdi. — M. Muhamedov, Kichik garnizon

2. Xosa tulpor Boqilgan, chiniqqan, uzoq safarlarda, poygada pishigan nasldor ot.

Maydon boʻlsa, bedov otlar chopilar, Koʻp chopilsa, xosa tulpor sovilar, Xizmat qilsang, yoring koʻngli topilar. — Shirin bilan Shakar

3. folk. Qanotlari boʻlgan afsonaviy uchar ot.

Hotamning bulutga uchadigan tulpori boʻlarkan. — Shukrullo, Javohirlar sandigʻi