Поиск

ot 1. Kema ichidagi, shuningdek, kemaga chiqish-tushish uchun xizmat qiladigan, arqon, yogʻoch yoki metalldan ishlangan maxsus narvon, zina.

Arqon trap.

Kema trapidan tushayotgan mehmonni zirhlari yaltirab turgan ikki robot kuzatib borardi. — M. Mahmudov, Mangu kuy izlab

2. Samolyot, vertolyot va shu kabilarga chiqish-tushishda foydalaniladigan maxsus zina; muvaqqat narvon.

Samolyotga trap qoʻyib boʻlmadi. Odamlar balanddan bir-birining ustiga oʻzini tashlamoqda edi. — A. Muxtor, Qanoti singan orzu

ot mat. Ikki tomoni oʻzaro parallel boʻlgan, qolgan ikki tomoni parallel boʻlmagan toʻrtburchak.

ot Bedana, kaptar kabi parrandalarni ushlashda qoʻllanadigan, uzun tayoq uchiga toʻr xaltali chambarak oʻrnatib yasalgan asbob.

— Bir tarafi hayitlashib ham kelaman-ku, degan niyat bilan yoniga tozisini ham qarchigʻayini olib, matrap koʻtarib, uch-toʻrt kun dalaga chiqib ketdi — dedi Shum bola. — Gʻ. Gʻulom, Shum bola

Qoʻlidagi qushni uchirib yuborib, birovlarning qoʻlidagiga matrap tikib yurgan ekan-da. — E. Aʼzam, Kechikayotgan odam