Qidiruv

sft. 1. Tolaga ega boʻlgan, tolasi bor.

Ingichka tolali paxta. Uzun tolali zigʻir.

2. Tola beradigan.

Tolali texnika oʻsimliklari.

3. Tolalardan tuzilgan.

Yogʻoch tolali plastmassa.

4. tex. Tuzilishida tola boʻlgan.

Choʻgʻlanma tolali elektr lampa.

ot 1. Yigirish, gazmol toʻqish va shu kabilar maqsadlar uchun ishlatiladigan juda ingichka, puxta tabiiy yoki sunʼiy material.

Ipak tolasi. Jun tolasi. Sunʼiy tola.

Biz tergan paxtaning har bir tolasin Yovuzlar boʻyniga aylagil sirtmoq. — Gʻayratiy

2. Soch, soqol kabilarning har bir moʻyi.

Ayt, bu soching tolasimu, Jon ipin bir bandimu? E. Vohidov.

Uni quchoqlab oʻpgisi, har bir tolasi ogʻir mehnat, alam bilan sugʻorilgan oppoq soqolini koʻzlariga surtgisi keldi. — Oybek, Tanlangan asarlar

3. kam qoʻll. Kokil, zulf.

4. koʻchma Umuman, tolaga oʻxshash narsa haqida.

Oʻrgimchak toʻqir oq tolalar, xonqizi boradi mehmonga. — Sh. Rahmon, Yurak qirralari

Poliefir tolasidan ishlangan sunʼiy qon tomirlar arteriya tomirlari torayib qolgan bemorlarga yordam berishda qoʻllanmoq-da. — Fan va turmush

Ogʻriq — jagʻ tolalarining isyoni boʻlib, biror aʼzo yoki vujudning dod-faryodidan darak beradi. — Fan va turmush

ot Toʻla holat.

Idishning toʻlaligi. U sizdan toʻlalik qiladi.

[Zaynab] Ilgarigi toʻlaligining yarmisini yoʻqotgandek, tusiga qarimsiqlik kirgan. — A. Qodiriy, Oʻtgan kunlar

Tolali tarmoqning asosiy va oʻta yuqori tezlikli ishchi stansiyalari orasida maʼlumotlar uzatish vositalari uchun maxsus ishlab chiqilgan standart. Unda maʼlumotlar uzatishning turli tezliklaridan va masofalardan, bir modali yoki koʻp modali tolalardan foydalaniladi.inglizchafiber optical channelruschaволоконный канал

Tolali-optik oʻlchash oʻzgartirgichga ega akselerometr; ishlashi tezlanish sababli tolali nur oʻtkazgichda yuz beradigan fotoelastiklik effektiga asoslangan.

Doiraviy kesimga ega va ikkita konsentrik dielektrik qatlamdan iborat yorugʻlik oʻtkazgich. Uning ishlashi optik toʻlqinning optik xossalari turlicha boʻlgan ikki muhit chegarasida sinish jarayonlaridan foydalanishga asoslangan.inglizchafiber guideruschaволоконный световод