Қидирув

от Дафн маросимида ўликни солиб, мозорга елкама-елка кўтариб бориладиган тўрт дастали мослама.

Ўликни тобутга солмоқ.

Жасад ювилиб, кафанлангандан кейин, пешинга яқин тобутни кўчага олиб чиқдилар. — П. Турсун, Ўқитувчи

Зум ўтмай одамлар тўдаси тобутни лопиллатиб, кўча томонга ёʻл олди. Ёдгор бир вақтлар тобут кўтариш савоб, деган гапни эшитган эди. — Ў. Ҳошимов, Қалбингга қулоқ сол

от айн. Тобуцоз.

от Тобут ясовчи уста; тобутчи.

от 1. Тобут кўтарувчиларнинг ҳар бири.

Бирдан тобуткашлар ҳаракатга тушиб қолишганда, хотин-халаж уввос тортиб йиғлай бошлаган эди — Й. Шамшаров, Тошқин

2. кўчма Яхши-ёмон кунларда бир-бирига ҳамдам, ҳамдард бўлувчи бир ерли кишилар.

Ёʻқ, қизим, ўйлаб гапиринг. Ман, қари одам, беш кунлигим борми, ёʻқми, бошқа шаҳарда мусофир бўлиб юраманми? Ахир менинг тобуткашларим бунда. — Мирмуҳсин, Умид

— Жамоат, — кекса бой., салмоқли равишда гапира бошлади, — алҳамдулилло, ҳаммамиз мусулмонмиз бир маҳалладамиз, тобуткашмиз — Ойбек, Танланган асарлар

от Масжид ҳузуридаги тобут сақланадиган жой.

Мактабхона ва тобутхона деб аталадиган, бир-бирига ўхшаш бу икки хунук бино ва бу ердан эшитилаётган шовқин Элмуроднинг вужуди-да кўп ёқимсиз таъсир қолдирар эди. — П. Турсун, Ўқитувчи