Қидирув

от Тўра унвони.

от 1. тар. Юқори табақага мансуб киши; зодагон, оқсуяк, аристократ.

Бу икки қаватли катта ҳовли Азлархон тўранинг ҳовлиси эди. — Ойдин, Ҳазил эмиш

2. тар. Хонлар даврида ва чор Россияси даврида Туркистонда катта амалдор, ҳоким.

Унга жавоб қилмай, ҳокимдан сўради: — Нима қилайлик бўлмаса, тўрам? — М. Исмоилий, Фарғона тонг отгунча

Элликбоши ўйлади: Маҳкамага бориб, Ҳакимбойваччанинг обрўсини дастак қиламан. Тўраларнинг оғзига уриш учун пулни бойвачча беради. Мандан нима кетади, Қабул қилаверай. — Ойбек, Танланган асарлар

3. Ҳурмат юзасидан ёки улуғлаб, кишиларнинг номига, унвонига, мансабига, шунингдек, кўчма маънода баъзи нарсаларни билдирувчи сўзларга қўшиб ишлатиладиган сўз.

[Содиқ:] Ҳа-ҳа-ҳа, балли, Мутал тўрам! — А. Қодирий, Ўтган кунлар

[Мулладўст ўзига ўзи:] Оббо, ҳай бу кун-эрта ёр-ёр, чилдирма бака-банг, қиблага қараб куёв тўрам ўтирадилар. — Ҳамза, Майсаранинг иши

Қудрат ака, паловхон тўра ўзларини жуда азиз қилиб қўйдилар, қарздормиз. — Н. Сафаров, Уйғониш

Мана, ёнига коняк тўрани қўйиб, тўнғич ҳосил билан дастурхонни безатдим. — Ш. Рашидов, Бўрондан кучли

4. кўчма Расмиятчи, расмиятпараст, бюрократ.

Бошқарма идорасига жойлашиб қолган икки-учта ўзбилармон тўранинг бебошлиги туфайли ишлар кетга кетганди. — Ш. Ғуломов, Ёрқин уфқлар

5. Тўра (эркаклар исми).

фл. 1. Эни, ҳажми кичрайиб, сиқилиб кичик тортмоқ, кенглиги қисқармоқ, тор бўлмоқ.

Кўйлак ювилиб торайибди. Ёʻл торайиб қолибди.

Орол майдони асосан саёз жанубий ва шарқий қисмлар ҳисобига торайиб бормоқда. — Фан ва турмуш

Тамаки чекиш орқасида томирлар торайиши билан бирга, томирларнинг девори ҳам ўзгаради. — Фан ва турмуш

2. кўчма Иш кўриш, вазифа доираси қисқармоқ, чекланмоқ.

Иш доираси торайди. Ҳуқуқи торайди.

сфт. айн. Анғирт.

фл. Тораймоқ феълининг орттирма нисбати.

от Ишга, ўз вазифасига расмиятчилик билан қараш, қуруқ расмиятпарастлик; бюрократизм.

— Энди, сиз қолибмидингиз тўрачилик қилмаган! — деди Турсуной. — Ҳ. Назир, Ўтлар туташганда

Идора-бошқарув аппарати учун сансалорлик, тўрачилик тамомила ёт нарсадир. — Газетадан