Qidiruv

fl. 1. Olingan, xarid qilingan, foydalanilgan va shu kabilar narsalar evaziga tegishli miqdorda pul, haq bermoq.

Kassaga naqd pul toʻlab, narsa olmoq. Kira haqi toʻlamoq. Arzon toʻlamoq.

Bu narsalaringiz menda garov turadi, qachonki pul topsangiz, mening yarogʻ uchun toʻlagan pulimni berib, narsalaringizni olasizlar. — S. Ayniy, Qullar

2. Olingan pulni, qarzni qaytarmoq, uzmoq; zimmasidagi pul, toʻlov majburiyatini ado etmoq.

Soliq toʻlamoq. Badal toʻlamoq. Jarima toʻlamoq.

Bugun qarzlaringni toʻlaysanlar — men tinch, senlar tinch. — M. Ismoiliy, Fargʻona tong otguncha

3. Yetkazilgan zararning muzdini bermoq, oʻrnini toʻldirmoq.

Tovon toʻlamoq. Xun toʻlamoq.

— Voy, [qoʻgʻirchogʻim] kasal boʻlib qolibdi, toʻlab berasan, — dedi Muhayyo Manzuraga. — N. Yoqubov, Kichkina doktor

ot 1. Yigirish, gazmol toʻqish va shu kabilar maqsadlar uchun ishlatiladigan juda ingichka, puxta tabiiy yoki sunʼiy material.

Ipak tolasi. Jun tolasi. Sunʼiy tola.

Biz tergan paxtaning har bir tolasin Yovuzlar boʻyniga aylagil sirtmoq. — Gʻayratiy

2. Soch, soqol kabilarning har bir moʻyi.

Ayt, bu soching tolasimu, Jon ipin bir bandimu? E. Vohidov.

Uni quchoqlab oʻpgisi, har bir tolasi ogʻir mehnat, alam bilan sugʻorilgan oppoq soqolini koʻzlariga surtgisi keldi. — Oybek, Tanlangan asarlar

3. kam qoʻll. Kokil, zulf.

4. koʻchma Umuman, tolaga oʻxshash narsa haqida.

Oʻrgimchak toʻqir oq tolalar, xonqizi boradi mehmonga. — Sh. Rahmon, Yurak qirralari

Poliefir tolasidan ishlangan sunʼiy qon tomirlar arteriya tomirlari torayib qolgan bemorlarga yordam berishda qoʻllanmoq-da. — Fan va turmush

Ogʻriq — jagʻ tolalarining isyoni boʻlib, biror aʼzo yoki vujudning dod-faryodidan darak beradi. — Fan va turmush

fl. Toʻlamoq feʼlining birgalik nisbati.

ot Tola va u bilan bogʻliq ilmlar bilan shugʻullanuvchi mutaxassis, olim.

Maqsuda Aʼzamovna oʻz kasbi boʻyicha tolashunos, ana shu kafedradagi ishlardan bevosita xabardor boʻlib turishi kerak. — Gazetadan

Оплата труда