Поиск

ot esk. kt. Qora; qorongʻi.

Koʻzlarim yigʻladi zulfingni koʻrib, Ki yogʻin boshidur tiyra bulut. — Nodira

To yuzing oyi namoyon boʻldi husn aflokida, Rashk oʻtidin tiyra boʻldi roʻzgʻori oftob. — Nodira

Koʻzimni tiyra deb yor, etmas yuziga koʻzgu, Kipriklarimni tigʻ deb, sochiga shona qilmas. — E. Vohidov

ot 1. Bir yerda tinch turmaydigan, gʻayrati ichiga sigʻmaydigan; serharakat (asosan yoshlarga nisbatan qoʻllanadi).

Tiyrak bir bola armiyadan kecha qaytgan mezbonning yoniga oʻtirib, medalni havas bilan tomosha qila boshladi. — N. Safarov, Toshga bitilgan xat

2. Bardam, tetik, baquvvat.

Saksonlardan oʻtgan, lekin tiyrak chol.

3. Ziyrak, hushyor.

Otasi oʻylanib qoldi: har narsani bilishga qiziquvchan, tiyrak qizimga nima desam ekan ? Y. — Muqimov, Ipak tolasi

Sochlari duv oqargan, ammo koʻz qarashlari tiyrak doktor opa har kuni Sherzoddan qandoq ovqatlanganini soʻraydi. — Oʻ. Hoshimov, Nur borki, soya bor

ot Tiyrak boʻlish holati.

fl. 1. Shijoatli, gʻayratli boʻlmoq.

2. Ziyrak, sergak boʻlmoq.