от 1. сфт Титилиб, тўзиб увадаси чиққан, титилиб кетган, дабдала.
Титиқ китоб. Титиқ кўрпа. Титиқ сават. Титиқ қоп.
2. от Нарсанинг титилган, тўзган жойи; титилган, тўзган нарса.
Дастурхоннинг титиғи. Шляпанинг титиғи.
- Титиғи чиқиб (ёки ўйнаб) кетибди 1. Титилиб, тўзиб увадаси чиқибди, жулдур-жулдур, дабдала бўлибди. Кўрпанинг титиғи чиқиб кетибди. Диваннинг титиғи чиқиб кетибди;Душман отрядининг титиғи чиқиб кетди.
- Титиғини чиқармоқ Қаттиқ калтакламоқ, дабдала қилмоқ. Шу қилганингга бир уриб, титиғингни чиқариб юборайми? — Н. Норқобилов, Бекатдаги оқ уйча