sft. 1. Odam, mashina va shu kabilar bilan tirband; yurish, harakatlanish qiyin holat; shunday holatli joy; shunday holatdagi odam yoki narsalar toʻdasi.
Yoʻlchi Doʻppi bozordan aravani zoʻrgʻa olib oʻtdi: bu yerda zoʻr tiqilinch, koʻpchiligi xotinlar. — Oybek, Tanlangan asarlar
Tramvay narigi bekatda toʻxtaganda, tiqilinchda urilib-surilib, men tushgan vagonga kutilmaganda Sanobar chiqib keldi. — Oʻ. Usmonov, Sirli sohil
2. Shunday tirband, yurish, harakatlanish qiyin boʻlgan (qiyin holatli).
Oynisa vokzal maydoni yaqinida tiqilinch tramvaydan hammadan keyin tushdi H. — Gʻulom, Toshkentliklar
Hamadon shahri xuddi bezovta qilingan arining inidek gʻuvullaydi. Koʻchalar tiqilinch. — M. Osim, Ibn Sino qissasi
3. Tezlik bilan bajarilishi lozim boʻlgan; shoshilinch, oshigʻich.
Tiqilinch ish.
Boradigan joyingizga kech qoladigan boʻldingiz-da, meniki judayam tiqilinch emas edi. — Shuhrat, Jannat qidirganlar
4. Bajarilishi lozim boʻlgan ish koʻp (tiqilgan), vaqt esa ziq.
Shukur betoqat boʻlib, ensiz peshonasini tirishtirdi. Shu tiqilinch paytda Shukurning miyasiga bir fikr kelib qoldi. — S. Anorboyev, Hamsuhbatlar
Kunduzi Zinnat buvi terimchilarga ovqat pishirgani ketadigan vaqtda, ishlarim tiqilinch boʻlishiga qaramay, men uyga yetib keldim. — H. Nazir, Koʻkterak shabadasi
- Tiqilinch qilmoq Zoʻr berib qistamoq, shoshirmoq, qiyin-qistoqqa olmoq, hol-joniga qoʻymay talab qilmoq. Munisxon tiqilinch qilmaganda, ular koʻchib ketishmasdi. — Oʻ. Umarbekov, Yoz yomgʻiriYuzboshiga aytib qoʻying, Haydarvoy, ishla, ha boʻl, deb bizga koʻp tiqilinch qilavermasin. — M. Osim, Tilsiz guvoh