Qidiruv

fl. Tiklamoq feʼlining birgalik nisbati.

fl. 1. Tik, vertikal holatga keltirmoq, tikka qilmoq, tikka qilib qoʻymoq.

Yiqilgan gʻoʻza tuplarini tiklamoq.

Joʻraposhsho pastga tushib, shotini tiklab qoʻydi. — M. Ismoiliy, Fargʻona tong otguncha

Sulton boʻzchi kamon singari egilgan qaddini tiklab, bazoʻr oʻrnidan turdi. — N. Safarov, Sulton boʻzchining nevaralari

2. Qurmoq, bino qilmoq, bunyod etmoq.

Utgan yilning bahorida mana shu joyni tiklab oldim. — M. Abdulla, Kutilmagan mehmon

Qurilish maydonida ish jadal Birov palatka tiklayapti, ikkinchi bir kishi chizmalarga belgilar qoʻyyapti. — S. Karomatov, Bir tomchi qon

Birgalashib choʻlda birinchi oq uyni tiklaganmiz. — Oʻzbekiston qoʻriqlari

3. Yoʻq boʻlgan, ishdan chiqqan, xarob boʻlgan va shu kabilar narsalarni bor qilmoq, asl holiga keltirmoq.

Arxitektura yodgorliklarini tiklamoq. Xoʻjalikni tiklamoq.

Vodokachkani tiklagani gʻisht, qum tashish kerak boʻlganida, otining tuyogʻiga mix qoqib, oqsatib qoʻygan kim edi? — A. Qahhor, Qoʻshchinor chiroqlari

Xoʻjalik rahbarlarining ishiga — mehnat ahlining salomatligini tiklash haqida qilayotgan gʻamxoʻrliklariga qarab baho berilmoqda. — Oʻzbekiston qoʻriqlari

Sex qoloqlikdan chiqib, avvalgi shuhratini yana tikladi. — Gazetadan

Bois Ergashev radiostansiyani qayiqqa ortib, uzilib qolgan aloqani tikladi. — N. Safarov, Olovli izlar

4. Unutilgan, esdan chiqib ketgan narsalarni yuzaga keltirmoq; bekor qilingan, rad etilgan narsalarni qayta joriy qilmoq, qaytarib bermoq.

Aloqa-munosabatlarni tiklamoq. Huquqini tiklamoq.

Umid eslab-eslab, keyinchalik ona allasining deyarli hammasini tiklab oldi. — Mirmuhsin, Umid

5. Qayta oʻz oʻrniga, ishiga qoʻymoq.

Direktor nohaq ishdan boʻshatilganlarni yana tikladi.

6. shv. Boshini koʻtargan holda tik qaramoq.

Tersak damini ichiga olib, tishini tishiga qoʻyib, kiprigini qoqmay tiklab qoldi. — Ravshan

Hech nimaman ishi boʻlmay, Hamma angrayib tiklab qolgan. — Murodxon

rvsh. Tikkasiga, tikkalab, tikka.

Dushmanga qarshi baland qir ustiga tik-lab koʻtarilgan tanketka birinchi dafʼa hujumga boshladi. — H. Sayidahmad, Mastura

миллий тикланиш national rebirthМиллий тикланиш партияси Milliy Tiklanish Party (National Rebirth Party) revival, rebirth

fl. 1. Tiklamoq feʼlining oʻzlik va majhul nisbatlari.

Narvon tiklandi. Aloqa tiklandi. Uning huquqi tiklandi. U oʻz vazifasiga tiklanadi.

Uning [imoratning] oʻpirilib tushgan joylari siniq pishiq gʻisht, guvalak bilan tiklangan. — A. Qahhor, Qoʻshchinor chiroqlari

U [Fazliddin[ birinchi bor uchrashgani beixtiyor Sherbekning xotirasi-da tiklandi. — S. Anorboyev, Oqsoy

Toʻsatdan dam gʻujanak boʻlib, dam tiklanib, damini chiqarmay azob tortayotgan novcha qotma bir kishi [Mehrining ] koʻz oʻngiga keldi. — S. Anorboyev, Mehr

2. Urishish, janjallashish uchun rostlanmoq, qoʻzgʻalmoq.

Otasiga qarish tiklanmoq.

Tinchlik soldati boʻlib Otlanib tiklanasan. — Q. Muhammadiy