Hayot Foundation loyihasi
Loyiha haqida
Oʻz
Oʻz

Qidiruv

«tikanli» boʻyicha 34 ta natija: Izohli

Filtr
Boʻlim
Lugʻatlar Ertaklar Shevalar
Lugʻat turi
Izohli Tarjima Terminologik Frazeologik

Lugʻat maqolalari

8 ta
tikanli

sft. 1. Tikani bor, tikanlar bilan qoplangan.

Tikanli daraxt. Tikanli oʻsimlik.

Tuyalar oldiga yantoq tashlangan va ular ignaday tikanli bu xashakni, qari odamlar pashmak holva yeganday, osonlik bilan yutmoqda. — S. Ayniy, Qullar

Tikanli simlar bilan oʻralgan bu yam-yashil oʻrmon etagi, bu oppoq palatalarda kecha-yu kunduz azob, oʻlim. A. — Muxtor, Chinor

2. koʻchma Kishiga qattiq botadigan, ozor beradigan; achchiq, yoqimsiz (gap-soʻz, muomala haqida).

Husayn Boyqaro otda turib, asiriga bir necha achchiq, tikanli soʻzlar otdi-da, qoʻli bilan navkarlarga olib joʻnanglar, degan ishorat qildi. — Oybek, Navoiy

Rashidning gapi, garchand xolis va muhokamali boʻlsa ham, nima uchundir Elmurodga tikanli tuyuldi. — Shuhrat, Shinelli yillar

Toʻliq maqola →
tikan

ot 1. Oʻsimliklarning, shuningdek, baʼzi hayvonlarning ingichka uchli, ninasimon aʼzosi.

Qizil gul tikani. Yantoq tikani. Tipratikan tikani. Tikan boʻlib oyoqqa qadalguncha, gul boʻlib koʻkrakka sanchil. — Maqol

Vohid jon-jahdi bilan siqim-lagan naʼmatak tikanlari kaftiga emas, yuragiga sanchildi goʻyo! — Saodat

2. Shunday narsali (tikanli) oʻt-oʻsimliklar.

Ekuvsiz qolgan yerlarda tikanlar oʻsib yotibdi.

3. Narsalarning oʻtkir tikansimon qis-mi.

Toʻsiq simning tikani.

  • Koʻzga tikan Kishilarga yomon koʻringan kimsa yoki narsa haqida. Xalqimizda ajoyib bir maqol bor: Tekin yegan — koʻzga tikan. — M. Ismoiliy, Bizning roman
  • Tikan boʻlmoq Oʻrtada toʻsiq, gʻov boʻlmoq. Uning [Zaynabning] bu holi ersa mening uchun yaxshi emas, u yana koʻp vaqt bizning oramizda tikan boʻlmoqchi. — A. Qodiriy, Oʻtgan kunlar
  • Tikan ustida oʻtirmoq — Sipolik qilsam-u, tikan ustida tipirchilab oʻtirsam, bari bir, gap qovushmaydi. Undan koʻra dangal gap yaxshi: men dalaga chiqmoqchiman, — dedi Parpiyev. — Y. Shamsharov, Yengish
  • Tikanga agʻanamoq (yoki dumalamoq) Tinchligini yoʻqotmoq, notinch boʻlmoq, ruhiy azob tortmoq, qiynalmoq. Otabek qizga uylanib qoʻygach, bizning Homid tikanga agʻanab, oradan Otabek bilan Mirzakarim akani koʻtarish fikriga tushgan. — A. Qodiriy, Oʻtgan kunlarOdiljon shu kecha tikan ustida dumalab chiqdi. — I. Rahim, Qoʻshnilar
  • Qora tikan Kishilarga yomon koʻringan salbiy shaxs haqida. — Yoʻq, faqat siz yaxshisiz, — dedi Zulayho istehzo qilib. — Boshqalarning hammasi qora tikan, hammasi sizni koʻrolmaydi! — P. Qodirov, Qadrim
  • Qora tikan tuz
Toʻliq maqola →
tikanak

ot 1. Tikanli oʻsimliklarning umumiy nomi.

Onaxon tikanak bosib ketgan goʻriston ustidan toʻgʻri temir yoʻl ustaxonasi tomonga yoʻl oldi. A. — Muxtor, Opa-singillar

Choʻqqining oʻrta yerida, Toshbuloq yaqinida tikanak va archa choʻkirtaklaridan gulxan yoqilgach, bolalarning quvonchi yana qanotlandi. — H. Nazir, Soʻnmas chaqmoqlar

2. ayn. Tikan.

— Oyoqlarimni ari talab ketdi! — deb tipirchilab oʻtirib oldi. Bolalar egilishib qarashsa, ari degan narsa koʻrinmasdi. Faqat paypogʻining hamma yogʻiga tikanaklar yopishib olgandi. — H. Nazir, Soʻnmas chaqmoqlar

[Abdusamad] Oʻgay otaning koʻziga tikanak boʻlmaslik uchun bir burchakka tiqilib uxlab qolar edi. — Oybek, Navoiy

  • Tikanak tuz Novvotsimon kristallangan yirik tuz. Balo-qazoni hozir daf qilamiz. Bitta tovoqqa kul solib, tikanak tuz bilan bir kaft isiriqning donidan olib keling. — R. Fayziy, Hazrati inson
  • Chaqir tikanak Poyasi yotib oʻsadigan yovvoyi oʻt va uning yulduzcha shaklidagi tikani (tikanlaridan biri yuqoriga qarab oʻsgan boʻladi). Oyoqlarimga chaqir tikanaklar kirib, hamma narsa yoʻlimni toʻsardi. — E. Raimov, Ajab qishloq
Toʻliq maqola →
tikanzor

ot Tikanli oʻsimliklar oʻsib yotadigan, tikanli oʻsimliklar bilan qoplangan yer, maydon.

Tikanzor choʻl.

Suvsizlikdan qaqshab, xuddi skeletlarga oʻxshab qolgan yantoq va tikanzorlar maydoni. — Tuygʻun, Soʻnggi sayohat

Toʻliq maqola →

Hammasini koʻrish · 8 →

Taʼriflar ichida

22 ta
chingil

chingil Dukkaklilar oilasiga mansub tikanli oʻsimlik (ildizidan sariq boʻyoq tayyorlanadi).

Hammasini koʻrish · 22 →

Ertaklar

3 ta
Besh qiz
Xalq ogʻzaki ijodi

Ushbu ertakda besh opa-singilning sarguzashtlari, ularning mehmonnavarligi va qiyinchiliklarga duch kelishi hikoya qilinadi. Ertakda sadoqat, xiyonat va adolatn

Gʻulombachcha
Xalq ogʻzaki ijodi

Kambagʻal kampirning oʻgʻli Gʻulombachcha podshoh qiziga qul qilib sotiladi va u bilan birga oʻqib, bir-biriga mehr qoʻyadi. Podshoh qizi Gʻulombachcha va boshq

Xasis boy bilan Abdurahmon oʻgʻri
Xalq ogʻzaki ijodi

Bu ertakda oʻta xasis boyning sarguzashtlari va uning Abdurahmon ismli ayyor oʻgʻri bilan toʻqnashuvi hikoya qilinadi. Boyning ochkoʻzligi va oʻgʻrining topqirl

Sheva materiallari

1 ta
jinjak
Qashqadaryo viloyati · tikanli buta