Қидирув

от 1. Ҳайвон ёки қуш ахлати; гўнг.

Мол тезаги.

Йигитлар қўйларнинг сийдик ва тезакларига булғаниб ётган тутқунларнинг қўл-оёқларини ечиб, қўрадан ҳайдаб чиқармоқчи бўлдилар. — С. Айний, Қуллар

— Оқ қушларнинг тезаги оппоқ бўлар экан, — деди Шум бола. — Ғ. Ғулом, Шум бола

2. Қуриган ёки ёқиш учун махсус қури-тилган гўнг (асосан, мол гўнги).

Ҳайдар ўчоқ ичига кўмилган ўтни очиб, устига бир дона тезак қўйиб, пуфлаб, бир оз яшнатди. — С. Айний, Қуллар

Ўчоқда тезак милтиллаб ёнар, қора човгум биқир-биқир қайнарди. — С. Анорбоев, Оқсой

от Тезак сақланадиган ёпиқ жой, саройхона.

— Офарин! — эшон ясама кулди. — Тинчгина бол чайнаб юрган одам, тезакхонада истиқомат қилибсиз. — И. Раҳим, Тақдир

фл. Табиий ҳожат чиқармоқ, ёзилмоқ (ҳайвон ва қушлар ҳақида).

От тезаклади.

фл. Тезакламоқ феълининг орттирма нисбати.

погов. (букв. ровня с ровней, а кизяк со своим мешком) ≈ куда нам соваться с суконным рылом в калашный ряд.