Қидирув

техникага оид атама

матн

Texas

от 1. Ўрта техник маълумотга эга бўлган ва техниканинг бирор соҳасида ишлайдиган мутахассис.

Техник чақириб, план ва смета тузиш, неча пуд тунука керак бўлишини билиш зарур экан. — А. Қодирий, Обид кетмон

Техник, прораб керак, ғиштчи, сувоқчи, гулкор, моҳир дурадгорлар керак. — Н. Сафаров, Оловли излар

2. Техника соҳасида ишловчи мутахассис.

Рус техниклари ва олимлари график тасвирларни такомиллаштириш ишига катта ҳисса қўшганлар. — А. Абрикосов, Чизмачилик

от 1. Жамиятнинг инсон фаолиятидаги ишлаб чиқариш жараёнларини амалга оширувчи ва ноишлаб чиқариш эҳтиёжлари учун хизмат қилувчи воситалар йиғиндиси.

Илғор техника. Авиация техникаси. Пахта териш техникаси. Техника фанлари. Техникадан унумли фойдаланмоқ.

Душман Орёл ва Белгород раёнларига бу кунгача ҳеч қайси фронтда кўрилмаган ёки оз кўрилган техникани тахт қилиб қўйган эди. — А. Қаҳҳор, Олтин юлдуз

Жабборов техникани яна бир сидра кўздан кечириш учун беш кун имконият борлигини айтди. — Н. Ҳайитқулов, Ер тафти

Бизнинг замонамиз ишлаб чиқарувчи кучларнинг шиддат билан ривожланиши, фан ва техника тараққиётининг тезлашиши билан характерланади. — Фан ва турмуш

2. Ишлаб чиқаришнинг бирор соҳасида қўлланадиган машина, механизм, асбоб, қурол, мослама ва шу кабилар мажмуи.

3. Бирор иш-фаолият ёки ҳаракат турида орттирилган маҳорат даражаси, малака ва кўникмалар йиғиндиси; санъат, маҳорат.

Сузиш техникаси. Қурилиш техникаси. Спорт техникаси. Балет техникасини эгалламоқ.

ўзбекчатекстил (тўқима, газлама заводи)русчатекстиль