Qidiruv

ot 1. Tetik, bardam holatga egalik.

Uning [Asrorqulning] tetikligi, shaxdam qadam tashlashi, yosh bolaga chiqqan soqolday, kishining kulgisini qistatar edi. — A. Qahhor, Asror bobo

2. Kuch-quvvatga toʻla, tetik, bardam kishilarga xos jismoniy va ruhiy holat; bardamlik.

Yigitali achasining dardni yengib, turib ketishidan ranjisa ham, yuzidagi tetiklikdan xursand boʻldi. — D. Nuriy, Osmon ustuni

U koʻzini ochib, oʻzini tetiklikka soldi va Karimjon bilan samimiy koʻrishdi. — Gʻayratiy, Uzoqdagi yor

sft. 1. Jismoniy, ruhiy jihatdan zaiflashmagan; bardam.

Onam yetmishdan oshib qolgan boʻlsalar ham, hali ancha tetiklar — M. Qoriyev, Oydin kechalar

Ibrohim ota bardammi, Oysha xola tetikmi, ukang Sherniyoz sogʻmi? — J. Sharipov, Xorazm

Ogʻaynilar tushkunlikka tushmadilar. Quvnoq va tetik kayfiyatda xayrlashdilar. — F. Musajonov, Himmat

2. Harakat-holati, darajasi va shu kabilar jihatdan bardam, tiyrak.

Temirjon odamlar qatori koʻpaygan trotuarda ildam va tetik qadam otib borardi. — J. Abdullaxonov, Oriyat

Aziza oʻzini bir oz oldirgan, ammo hamon oʻshanday chiroyli, koʻzlari kirtayib qolgan boʻlsa ham, tetik boqar edi. — Oʻ. Hoshimov, Qalbingga quloq sol

Soylik tomondan kelayotgan tetik va yangroq ovoz Elmurodning oʻyini buzdi. — Shuhrat, Shinelli yillar

3. koʻchma Hayiqishni bilmaydigan, dadil gapiradigan, oʻz fikrini baralla ayta oladigan.

Qandolat opaga ne balo boʻldi, deyman, hayron boʻlaman. Gapga chaqqon, tetik xotin edi-ku! — Oydin, Sadagʻang boʻlay, komandir

Pochchayev, qurilishga biron fikri tetikroq bola kelib qolsa, darrov iziga tushadi. — A. Muxtor, Tugʻilish

fl. kam qoʻll. Tetiklik bagʻishlamoq, tetiklantirmoq; hushyor qilmoq.

Podshoning, garchi mastlik vaqtida boʻlsa-da, u bilan achchiq suhbat qilishi Majdiddinni tetikladi. — Oybek, Navoiy

fl. Tetiklamoq feʼlining majhul nisbati.

fl. Tetiklik kasb etmoq, tetik boʻlmoq.

Uning ruhi tetiklashdi.

Rahimberdi bir oz tetiklashdi. — X. Toʻxtaboyev, Felyetondan soʻng

U sal tetiklashib, tashqariga chiqdi. — S. Yoʻldoshev, Qiz qalbi

fl. Tetiklanmoq feʼlining orttirma nisbati.