ot Teskarichilarga xos ish-faoliyat, xatti-harakat; reaksiya.
Qidiruv
«teskarichilik» boʻyicha 22 ta natija
Filtr
Lugʻat turi
Lugʻat maqolalari
22 ta
Izohli lugʻat
· yana 7 ta lugʻatda
sft. 1. Odatdagi, oʻng, toʻgʻri deb qabul qilingan holatga, yoʻnalish, tuzilish, tartib va shu kabilarga qarama-qarshi boʻlgan; ters.
Teskari ish. Boʻluvga teskari amal — koʻpaytiruv. Kepkani teskari kiymoq. Kitobni teskari ushlamoq. Stulga teskari oʻtirmoq. Soʻzni teskari oʻqimoq. Suv teskari oqmaydi.
Qoʻlimga tushganida, yuziga kuya surib, eshakka teskari mindirar edim-u, bozorning oʻrtasi bilan haydab, toʻppa-toʻgʻri qozining huzuriga olib borar edim. — P. Tursun, Oʻqituvchi
Boʻta, quruq choyni nonsiz issiq-issiq hoʻplab, choynakning qopqogʻini teskari yopib, ichiga ikkita oʻn tiyinlikni tashlab, oʻrnidan turdi. — S. Ahmad, Hukm
2. Qarama-qarshi tomon, oʻng boʻlgan tomonga qarshi, ters.
Uzoq oʻylab turmay, bu kungi Tiktepaning guzarga teskari to-monidan oʻzi uchun bir boshpanoh ochish qaroriga keladi. — A. Qodiriy, Obid ketmon
Men qayoqqa boshlasam, mehmon yurmaydi, teskari tomonga yoʻl oladi. — Guldasta
3. Qarama-qarshi, xilof, zid.
Agar bironta ish uning \Xushroʻyning\ tilagiga teskari ketsa, shovqin-suronni xuddi boshiga kiyib olar edi. — A. Qodiriy, Oʻtgan kunlar
Kishi koʻrinishda va muomalada bir xil, haqiqatda, ichki jihatdan tamom teskari boʻlib qolishi mumkin. — P. Tursun, Oʻqituvchi
4. Aql-odob. ish-faoliyat va shu kabilarda oʻzaro zid, bir-birining aksi boʻlgan, bir-biri bilan kelishmaydigan holatli.
Shayxulislomning Ulugʻbek mirzoga ochiqdan-ochiq teskari boʻlib olganini koʻrgan Tarxon yoqasini ushladi. — Mirmuhsin, Meʼmor
5. Biror narsaning orqa tomoni, orqasi, astari.
Gazlamaning teskarisi. Koʻrpaning teskarisi.
Bitta kulchani kaftiga teskari qoʻyib turib, mushti bilan oʻrtasiga urdi — H. Gʻulom, Mashʼal
6. koʻchma Bir-biri bilan gaplashmaydigan, arazlashgan.
Ular bir-birlari bilan teskari boʻlib qoldilar.
Olti oydan beri yuz koʻrishmagan qaynata-kuyov birga ishlashyapti-ya? Bir hisobdan yaxshi boʻpti. Tokaygacha teskari boʻlib yurishadi. — R. Rahmon, Mehr koʻzda
- Ishi teskari ketdi Ishi yurishmay qoldi, ishi orqaga ketdi, pachava boʻldi.
- Teskari dunyo Bevafo, oʻzgarib turuvchi dunyo. Qanday qilay, shunday teskari dunyo ekan. — Gʻ. Gʻulom, Tirilgan murda
- Toʻnini teskari kiymoq
- (Xudo) Yuzini teskari qilsin Xudo koʻrsatmasin, unga duchor yoki giriftor qilmasin. Yomonning yuzini teskari qilsin.
Izohli lugʻat
· yana 1 ta lugʻatda
ot Ijtimoiy taraqqiyot, inqilobiy harakat kabilar dushmani, siyosiy reaksiya tarafdori.
Margʻilonda Sarkor boshliq teskarichilar Nurxonni oʻldirish vazifasini uning akasi Mamatga yukladilar. — M. Isroilov, Dramaturgiyada detal
Xat uzoqdan kelmaganligi, shu yerning oʻzida yozilganligi, unda teskarichilar vakilining qoʻli borligini aytishdi. H. Nuʼmon va A. — Shorahmedov, Ota
Izohli lugʻat
· yana 1 ta lugʻatda
ot 1. Teskari holatlilik.
Egnidagi koʻylakning teskariligini sezmabdi.
2. s. t. Oʻjarlik, qaysarlik, terslik.
Muncha teskarilik qilasan.
- Teskarilikka olmoq Aytilgan gapni, fikrni teskari, notoʻgʻri, aksincha tushunmoq yoki tushuntirmoq, teskariga burmoq. Men joʻrttaga baʼzi gaplarni teskarilikka olib koʻrsam ham, u [Zaynab] churq etmaydir. — A. Qodiriy, Oʻtgan kunlar
Izohli lugʻat
· yana 1 ta lugʻatda
rvsh. Teskari yoʻnalishda; qarama-qarshi tomonga, orqaga qarab.
Hech qachon Quyosh teskarisiga yuradimi?
Men bu yoqdan qarz beraversam, sen bola-chaqang bilan yeyaversang, qachon toʻlaysan? Zamon bunday teskarisiga aylanib, insondan imon qochib turibdi, axir. — P. Tursun, Oʻqi-tuvchi
kam qoʻll. Qarama-qarshi yoʻnalishda, teskari holda.
Teskarisicha ish tutmoq.