Qidiruv

sft. 1. Odatdagi, oʻng, toʻgʻri deb qabul qilingan holatga, yoʻnalish, tuzilish, tartib va shu kabilarga qarama-qarshi boʻlgan; ters.

Teskari ish. Boʻluvga teskari amal — koʻpaytiruv. Kepkani teskari kiymoq. Kitobni teskari ushlamoq. Stulga teskari oʻtirmoq. Soʻzni teskari oʻqimoq. Suv teskari oqmaydi.

Qoʻlimga tushganida, yuziga kuya surib, eshakka teskari mindirar edim-u, bozorning oʻrtasi bilan haydab, toʻppa-toʻgʻri qozining huzuriga olib borar edim. — P. Tursun, Oʻqituvchi

Boʻta, quruq choyni nonsiz issiq-issiq hoʻplab, choynakning qopqogʻini teskari yopib, ichiga ikkita oʻn tiyinlikni tashlab, oʻrnidan turdi. — S. Ahmad, Hukm

2. Qarama-qarshi tomon, oʻng boʻlgan tomonga qarshi, ters.

Uzoq oʻylab turmay, bu kungi Tiktepaning guzarga teskari to-monidan oʻzi uchun bir boshpanoh ochish qaroriga keladi. — A. Qodiriy, Obid ketmon

Men qayoqqa boshlasam, mehmon yurmaydi, teskari tomonga yoʻl oladi. — Guldasta

3. Qarama-qarshi, xilof, zid.

Agar bironta ish uning \Xushroʻyning\ tilagiga teskari ketsa, shovqin-suronni xuddi boshiga kiyib olar edi. — A. Qodiriy, Oʻtgan kunlar

Kishi koʻrinishda va muomalada bir xil, haqiqatda, ichki jihatdan tamom teskari boʻlib qolishi mumkin. — P. Tursun, Oʻqituvchi

4. Aql-odob. ish-faoliyat va shu kabilarda oʻzaro zid, bir-birining aksi boʻlgan, bir-biri bilan kelishmaydigan holatli.

Shayxulislomning Ulugʻbek mirzoga ochiqdan-ochiq teskari boʻlib olganini koʻrgan Tarxon yoqasini ushladi. — Mirmuhsin, Meʼmor

5. Biror narsaning orqa tomoni, orqasi, astari.

Gazlamaning teskarisi. Koʻrpaning teskarisi.

Bitta kulchani kaftiga teskari qoʻyib turib, mushti bilan oʻrtasiga urdi — H. Gʻulom, Mashʼal

6. koʻchma Bir-biri bilan gaplashmaydigan, arazlashgan.

Ular bir-birlari bilan teskari boʻlib qoldilar.

Olti oydan beri yuz koʻrishmagan qaynata-kuyov birga ishlashyapti-ya? Bir hisobdan yaxshi boʻpti. Tokaygacha teskari boʻlib yurishadi. — R. Rahmon, Mehr koʻzda

ot Ijtimoiy taraqqiyot, inqilobiy harakat kabilar dushmani, siyosiy reaksiya tarafdori.

Margʻilonda Sarkor boshliq teskarichilar Nurxonni oʻldirish vazifasini uning akasi Mamatga yukladilar. — M. Isroilov, Dramaturgiyada detal

Xat uzoqdan kelmaganligi, shu yerning oʻzida yozilganligi, unda teskarichilar vakilining qoʻli borligini aytishdi. H. Nuʼmon va A. — Shorahmedov, Ota

ot 1. Teskari holatlilik.

Egnidagi koʻylakning teskariligini sezmabdi.

2. s. t. Oʻjarlik, qaysarlik, terslik.

Muncha teskarilik qilasan.

rvsh. Teskari yoʻnalishda; qarama-qarshi tomonga, orqaga qarab.

Hech qachon Quyosh teskarisiga yuradimi?

Men bu yoqdan qarz beraversam, sen bola-chaqang bilan yeyaversang, qachon toʻlaysan? Zamon bunday teskarisiga aylanib, insondan imon qochib turibdi, axir. — P. Tursun, Oʻqi-tuvchi

kam qoʻll. Qarama-qarshi yoʻnalishda, teskari holda.

Teskarisicha ish tutmoq.

Sayt tashrifchilarining fikr va taqrizlarini yigʻish. Foydalanuvchilar bilan teskari aloqa oʻrnatishning eng sodda va standart usuli – saytda xatlar uchun elektron manzilni joylashtirish. Teskari aloqa maxsus forma orqali ham amalga oshirilishi mumkin. Nihoyat, teskari aloqa vositasi sifatida forum ham ishlatilishi mumkin.inglizchafeedbackruschaобратная связь