Поиск

ot 1. Uzoqdan turib soʻzlashishga, ovoz, nutqni masofaga uzatishga xizmat qiladigan elektr aloqa qurilmasi va uning signal qoʻngʻirogʻi hamda gaplashish trubkasi boʻlgan apparati.

Telefonda (telefon orqali) gaplashmoq. Telefon bilan xabar qilmoq. Telefon stansiyasi.

Telefon jiringladi. Sulaymonov trubkani oldi. — A. Qahhor, Ikki yorti — bir butun

Kitob mutolaa qilib oʻtirgan Normurod bir sapchib tushdi-yu, qoʻrqa-pisa telefonga qoʻl choʻzdi. — O. Yoqubov, Diyonat

2. Telefon aloqaning qisqa nomi.

Baʼzi gazeta xodimlari materiallarni telefon orqali oladilar. — Mushtum

ot 1. Kichkina arava; aravacha.

Mahsulot ortilgan mashinalar, telejkalar muzxona va punkt tomon oshiqadi. — M. Nazarov, Yaxshini maqtasa yarashur

2. Baʼzi mashina va mexanizmlarning surilma qismi.

Minorali kran telejkasi.

ot 1. Uzoq masofalarga telegramma, radiotelegramma tarzida shoshilinch xabar uzatish yoki uni qabul qilib olish uchun xizmat qiladigan aloqa tizimi va uning vositalari.

Telegrafning kashf etilishi. Telegraf stansiyasi. Telegraf aloqasi. Telegraf apparati. Telegraf simlari.

Stansiyaning idorasi, pochta va telegraf ikkita koʻk vagonga joylashgan. — R. Fayziy, Taʼzim

2. Shunday xabarlarni yuboradigan va qabul qilib oladigan aloqa muassasasi va uning binosi.

Toshkent markaziy telegrafi. Telegrafga bormoq. Telegrafda ishlamoq.

Internet orqali xabarlar va fayllar almashish uchun dastur.

Telegramda storislar paydo boʻlgani zoʻr boʻldi-da.

ot Televideniye orqali yuritiladigan klub.

ot Osmon jismlarini kuzatish, suratga olish va oʻrganish uchun moʻljallangan astronomik optik asbob.

Astronomlar taxminan 350 yildan beri teleskop orqali Oyni oʻrganadilar.

Teleskop koʻzimizni Surayyodan oʻtkazdi, Radio soʻzimizni Jahonlarga yetkazdi. — Gʻ. Gʻulom