Поиск

1. Harakatsiz, qimirlamasdan va ovoz chiqarmasdan, jim.

Tek tur. Tek oʻtir.

Hamma bir lahza tek qolib, birdan qattiq kulgi koʻtarildi. — A. Qahhor, Mayiz yemagan xotin

Unda laylak bir oyoqlab turib, yashillanib kelayotgan adirlarga koʻz tashlab, tek qotgan. — S. Ahmad, Hukm

2. Hech ish, harakat qilmasdan, bekor.

Tek turmagan toʻq turar. — Maqol

Uning [Haydarboyning] qoʻllari tek turmaydi: dam uzun otashkurak bilan toʻnkaning oʻt olgan joylarini qoqib, yana ham koʻproq biqsitadi. — P. Tursun, Oʻqituvchi

Hamma harakatda-yu, yolgʻizmen tek yotibman. — Oydin, Oltin uzukka olmos koʻz

3. und. s. vzf. Qimirlama, jim. —

Tek, oʻr-toqlar, — dedi rais va davom etdi, — oʻzingiz ekasizmi? — A. Qah\or, Sarob

sft. Evaziga pul, haq yoki boshqa biror narsa talab qilinmaydigan; pulsiz, bepul.

Tekin ovqat. Tekin mehnat.

Uzoq safarga pul kerak. Tekin qimiz, et qayda. — Oybek, Tanlangan asarlar

— Sen hali shunaqa yomonmisan-a? Oʻy-boʻy! — dedi zavxoz. — Shunchalik tekin yeb-ichib, oʻqib yurganingga shukur qilish kerak. — P. Tursun, Oʻqituvchi

sft. 1. Yuzida gʻadir-budir, baland-past, oʻnqir-choʻnqir joylari boʻlmagan; silliq.

Tekis taxta. Tekis maydon. Tekis devor.

Kecha qorongʻi va tumanli edi. Keng, tekis koʻchaga uzoqdan chiroqlar tuman ichida xira, sovuq nur sepadi. — Oybek, Tanlangan asarlar

Yoʻl tekis, mashina siljimasdi. — S. Ahmad, Ufq

2. Joylashish, oʻlcham (hajm yoki boʻy) va shu kabilar jihatdan bir xil.

U jilmayganida, qizlarnikiga oʻxshash, tekis tishlari yarq etib ketdi. — Oʻ. Hoshimov, Qalbingga quloq sol

Boʻyi baland, qomati kelishgan, qora soqoli iyagida tekis qilib qirqilgan. — M. Ismoiliy, Fargʻona tong otguncha

Koʻk bluzka kiygan ikki qiz Bashoratlarning oldiga keldi. Ular bir-birlariga juda oʻxshar, boʻylari ham tekis, juda chiroyli qizlar edi. — A. Muxtor, Opa-singillar

3. Bir maromda, bir xil tezlikda.

Tekis harakat. Tekis odim.

Xuddi sirk otlariday bezatilgan semizgina, silliqqina boʻz ot tekis olib ketdi. — Oybek, Nur qidirib

Undan nariroqda qora kalxat, sanʼatini namoyish qilayotganday, bir tekis suzib yuribdi. — N. Fozilov, Diydor

4. rvsh. Baravariga, yoppasiga bir vaqtda; shigʻa, qiygʻos.

Urugʻlarni tekis undirib olmoq. Giloslar bir tekis gulladi. Gʻoʻzalar bir tekis unib chiqdi.

Har safar tekis chiqib, yashnab oʻsayotgan yam-yashil gʻoʻzalarni koʻrganimda paxtazordan chiqqim kelmas edi. — O. Yoqubov, Ikki muhabbat

5. Har jihatdan teng, baravar, bir huquqdagi.

Suv xudoyimning mulkimi? Xaloyiq tekis ichadi. — Oybek, Tanlangan asarlar

Meni saylang, negakim, Endi qadrdon boʻla-man. Bir tekis hammangizga Xizmati bajon qilaman. — Hamza

6. koʻchma s.t. Beishkal, silliq; bir xil qilib.

Ishi juda tekis. Hamma ish tekis boʻlib ketdi.

Musa koʻsa bir yerda turmas, chigitlarni bir tekisda ekish kerakligini, chigit toʻrt enlikdan chuqur boʻlmasligini hadeb tayinlardi. — S. Ahmad, Hukm

7. s. t. Kelishgan, chiroyli.

Oʻrtada oʻn olti-oʻn yetti yashar bachcha oʻynaydi. U rang-siz, xipcha, tekisgina, yana toʻgʻrirogʻi, popukday bola. — Oybek, Tanlangan asarlar

Anov togʻ bilan manov togʻ egiz ekan, Jami qizdan oxun qizi tekis ekan. — Oq olma, qizil olma

ot

Maqolaning teksti. Telegrammaning teksti.

Jumlalari turar tekis, Zumda varaq chiqar egiz. Gazeta, jurnal, kitob, Tekstlari oʻqishga bop. — Q. Muhammadiy

plgrf. Yirik shriftlardan birining nomi.

rvsh. Evaziga pul, haq yoki boshqa biror narsa olmasdan yoki bermasdan; pulsiz, bepul.

Tekinga ishlatmoq. Tekinga olmoq.

Qarang, birovlarning bolalarini pul sarf qilib, vaqt sarf qilib, tekinga oʻqitsa-ya! — M. Ismoiliy, Fargʻona tong otguncha

1. Toʻqimachilik sanoati mahsuloti; gazmol.

2. s. t. Toʻqimachilik kombinati.

Kelinim oʻlgurning oʻziyam tekstilda ishlab, jaraq-jaraq pul oladi. — Mushtum