Qidiruv

fl. Tebranmoq feʼlining birgalik nisbati.

rvsh. 1. Tebranadigan, chayqalib turadigan.

Tebranma stul.

2. fiz. Tebranishdan iborat boʻlgan.

Tebranma harakat.

fl. 1. Goh u tomonga, goh bu tomonga bir tekis harakat qilmoq; chayqalmoq.

Soat kapgiri bir tekis tebranmoqda. Salmoqdor boshoqlar shamolda mayin tebranadi.

Shiftga osigʻliq belanchak bir tekis tebranarkan, tokchadagi chiroq nurida hovli yuziga uzun-uzun soya tashlab oʻtardi. — S. Ahmad, Hukm

Kuy boshlanib, raqqosa oʻyinga tushishi bilan, atrof jimjit boʻlib qoladi. Hamma oʻtirgan joyida tebranardi. — T. Obidov, Yusufjon qiziq

2. Umuman qimirlamoq, silkinmoq.

Shu vaqt yana bir qarmoq yogʻochi tebranib qoldi. — H. Gʻulom, Mashʼal

3. Notekis harakat qilmoq, u yoqdan bu yoqqa chayqalib yurmoq, lapanglamoq.

Mashina sharshara koʻprigidan oʻtib, katta shagʻal yoʻlga tushgach, oʻnqir-choʻnqir joylarda tebrana boshladi. — I. Rahim, Ixlos

4. Joyidan qoʻzgʻalmoq, qimirlab qoʻymoq; jilmoq.

Oʻtirganlar bir tebranib olishdi. — S. Ahmad, Hukm

boyvachcha xotinining ikki qulogʻiga chang soldi. Shahzodaxon joyidan tebranmadi. — K. Yashin, Hamza

5. koʻchma Joyidan boʻshab, puturdan ketib, qimirlaydigan, liqillaydigan boʻlmoq, omonat boʻlib qolmoq.

Oq podshoning taxti tebrana boshladi.

Shahri vayron boʻlsa, sulton tebranar. — Murodxon

6. koʻchma Amal-taqal bilan yurib, oʻtib turmoq (roʻzgʻor, hayot va shu kabilar haqida).

— Bozorlar yaxshimi? — Bir navi harchi tiriklik tebranib turadi, uka! — A. Qodiriy, Mehrobdan chayon

Qishloq kattakon boʻlgani uchun, bu ish ham yomon boʻlmadi, roʻzgʻorimiz tebranib turdi. — A. Qahhor, Oʻtmishdan ertaklar

fl. 1. Tebranma harakatga keltirmoq, bir tekisda u yoq-bu yoqqa chayqaltirmoq; umuman qimirlatmoq.

Boshni tebratmoq. Beshikni tebratmoq.

Mayin tong shabadasi rang-barang gullarni sekin tebratib, atirlarini har yoqqa sepadi. — Oybek, Tanlangan asarlar

Uzun sariq kapgirini bir maqomda tebratib chiqillayotgan katta devor soat uzib-uzib dangʻillay boshladi. — P. Tursun, Oʻqituvchi

2. Joyidan qoʻzgʻatmoq, biror tomonga surmoq, siljitmoq, qimirlatmoq.

Uni hech tebratib boʻlmaydi, shunaqangi ogʻir karvon.

Amir Badriddin kuchli xatarlar bilan dushmanni asta-asta tebratib, harakatdan mahrum qilishga tirishardi. — Oybek, Navoiy

3. koʻchma Larzaga keltirmoq, solmoq.

Men gapimni tamom qilib, endigina blindajga tushib ketmoqchi edim, qandaydir snaryadlarning chinqirigʻi quloqqa xunuk eshitildi va birin-ketin gumburlab, oʻrmonni tebratib yuborgudek boʻldi. — A. Ubaydullayev, Qonli izdan

4. Biror ishni olib bormoq, yurgizmoq.

Oilani tebratmoq.

U [Mahmud Torobiy] sahardan to shomgacha mehnat qilib, katta roʻzgʻorini tebratib turardi. — M. Osim, Mahmud Torobiy

Ikki oʻgʻil uyni gulday tebrata boshladi. — A. Rahmat, Ellik bir bahodir

Bundan keyin dehqonchilikni bilim-siz tebratish qiyin-da. — H. Nazir, Eng muhimi

Gapiga gap topib berolmay, suvga tushgan mushukday bir chekkada oʻtirishlik holing bor ekan, idora tebratish sendaqaga yoʻl boʻlsin. — J. Abdullaxonov, Xonadon

ot Tebranib, likillab, qimirlab turadigan narsa.

Soat tebrangichi.