Qidiruv

ot 1. Tayyor ekanlik, tayyor holatdalik.

Mirzakarimboy jiyanining ishga tayyorligidan rozi kabi kuldi-da, indamasdan, ichkari kirib ketdi. — Oybek, Tanlangan asarlar

2. ayn. Tayyorgarlik.

Shunday qadrli meh-mon kelishini oldinroq bilmagani sababli tayyorlik koʻrolmaganidan naqadar xijolat-da ekanini aytib bitirolmas edi. — A. Qahhor, Qanotsiz chittak

sft. 1. Biror ishga shaylanib, hozirlanib turgan, shay, hozir.

Ular [soldatlar] miltiqlarini osmonga oʻqtalib, har dam otishga tayyor turardilar. — M. Ismoiliy, Fargʻona tong otguncha

2. Biror narsa, ish uchun moyil, rozi holatli.

Meni qoʻya bering, osadimi, chopadimi — hammasiga tayyorman. — K. Yashin, Hamza

Yoʻlchi shu choqda qancha aqchasi boʻlsa ham berishga tayyor edi — Oybek, Tanlangan asarlar

Anvarga mazkur oliy tabaqalarning har qaysisi ham oʻz qizini berib, kuyov qilishga tayyor! — A. Qodiriy, Mehrobdan chayon

Saltanat uchun qurbon boʻlishga ham tayyor — Mirmuhsin, Meʼmor

3. Ishlatish, isteʼmol va shu kabilar uchun hozirlab qoʻyilgan.

Tayyor kiyimlar. Tayyor mahsulotlar.

Sutchoy tayyor boʻldi, suzib kiraymi? — A. Qodiriy, Oʻtgan kunlar

Gʻavvos tayyor aravalardan birini olib keldi. — Mirmuhsin, Meʼmor

4. s. t. Yukl. Kuchaytirish, taʼkid bildiradi (asosan, bolani ota yoki onaga qiyoslashda qoʻllanadi).

Kichik oʻgʻli tayyor ota-sining oʻzi boʻlibdi.

ot Oldindan tayyorlangan boʻlaklardan doʻppi tikadigan mutaxassis.

fl. 1. Tayyor, muhayyo holga keltirmoq; taxt qilmoq; hozirlamoq.

Qishga oʻtin tayyorlamoq.

Gulnor hamma narsani zumda tayyorlab, dadasiga koʻrsatdi. — Oybek, Tanlangan asarlar

Zavrak nonushta tayyorlab, u odam kutib oʻtirganini Meʼmorga xabar qildi. — Mirmuhsin, Meʼmor

otin buvilarga, eshon oyimlarga tahorat suvi tayyorlash kabi yumushlar Gulnorni Yoʻlchi oldiga asta-sekin yaqinlashuvga majbur qildi. — Oybek, Tanlangan asarlar

2. Ishlab yuzaga keltirmoq, hosil qilmoq, yetishtirmoq (qurmoq, pishirmoq, tikmoq, yasamoq va shu kabilar).

Unsin Yoʻlchi uchun oʻzi tayyorlagan yaxshi tagdoʻzi doʻppini kiydirdi. Oybek, Tanlangan asarlar. Hozirgi paytda shifobaxsh oʻsimliklardan dori tayyorlashga alohida ahamiyat berilmoqda. — Gazetadan

U shu kuniyoq eni bir metr, boʻyi yarim metrli supa tayyorladi. Gazetadan. Chinnining anʼanaviy vazifasi idish-tovoqlar, meʼmorchilik detallari va boshqa buyumlar tayyorlashda qoʻllanishidan iboratdir. — Gazetadan

3. Oʻqitib, oʻrgatib va boshqalar yoʻllar bilan biror ish-vazifa uchun tayyor qilmoq; yetishtirmoq.

Kadrlar tayyorlamoq. Imtihonga tayyorlamoq.

Tishchenko uni [Malohatni] birmuncha vaqt shofyorlar kursiga tayyorlabdi, oqibat kirgizib ham qoʻyibdi. — A. Qahhor, Jonfigʻon

Oʻttiz bir yigit-qiz Olmazordagi mexanizatorlar tayyorlaydigan bilim yurtiga borib oʻqiymiz [dedi Aʼzam]. — E. Raimov, Ajab qishloq

ot 1. Tayyor holga kelish, keltirish ishlari; tayyorlash, tayyorlanish harakati; hozirlik.

Imtihonga tayyorgarlik. Safarga tayyorgarlik. Bahorgi ekishga tayyorgarlik.

Aziz mehmonni kutayotgandek uyida tayyorgarlik zoʻr edi. — S. Yunusov, Ku-tilmagan xazina

2. Tayyorlik, hozirlik holati.

Siyosiy tayyorgarlik.

jangovar tayyorgarlikni takomillashtirib janglarga hozir boʻlib turish kerak. — I. Rahim, Chin muhabbat

Kollej jamoasi yangi oʻquv yiliga katta tayyorgarlik bilan keldi. — Gazetadan

fl. ayn. Tayyorlamoq feʼlining majhul va oʻzlik nisbatlari; tayyorgarlik koʻrmoq.