Қидирув

сфт. 1. Бирор ишга шайланиб, ҳозирланиб турган, шай, ҳозир.

Улар [солдатлар] милтиқларини осмонга ўқталиб, ҳар дам отишга тайёр турардилар. — М. Исмоилий, Фарғона тонг отгунча

2. Бирор нарса, иш учун мойил, рози ҳолатли.

Мени қўя беринг, осадими, чопадими — ҳаммасига тайёрман. — К. Яшин, Ҳамза

Ёʻлчи шу чоқда қанча ақчаси бўлса ҳам беришга тайёр эди — Ойбек, Танланган асарлар

Анварга мазкур олий табақаларнинг ҳар қайсиси ҳам ўз қизини бериб, куёв қилишга тайёр! — А. Қодирий, Меҳробдан чаён

Салтанат учун қурбон бўлишга ҳам тайёр — Мирмуҳсин, Меъмор

3. Ишлатиш, истеъмол ва шу кабилар учун ҳозирлаб қўйилган.

Тайёр кийимлар. Тайёр маҳсулотлар.

Сутчой тайёр бўлди, сузиб кирайми? — А. Қодирий, Ўтган кунлар

Ғаввос тайёр аравалардан бирини олиб келди. — Мирмуҳсин, Меъмор

4. с. т. Юкл. Кучайтириш, таъкид билдиради (асосан, болани ота ёки онага қиёслашда қўлланади).

Кичик ўғли тайёр ота-сининг ўзи бўлибди.

от Олдиндан тайёрланган бўлаклардан дўппи тикадиган мутахассис.

от 1. Тайёр ҳолга келиш, келтириш ишлари; тайёрлаш, тайёрланиш ҳаракати; ҳозирлик.

Имтиҳонга тайёргарлик. Сафарга тайёргарлик. Баҳорги экишга тайёргарлик.

Азиз меҳмонни кутаётгандек уйида тайёргарлик зўр эди. — С. Юнусов, Ку-тилмаган хазина

2. Тайёрлик, ҳозирлик ҳолати.

Сиёсий тайёргарлик.

жанговар тайёргарликни такомиллаштириб жангларга ҳозир бўлиб туриш керак. — И. Раҳим, Чин муҳаббат

Коллеж жамоаси янги ўқув йилига катта тайёргарлик билан келди. — Газетадан

от с. т. қ. Тайёргарлик.

от 1. Тайёр эканлик, тайёр ҳолатдалик.

Мирзакаримбой жиянининг ишга тайёрлигидан рози каби кулди-да, индамасдан, ичкари кириб кетди. — Ойбек, Танланган асарлар

2. айн. Тайёргарлик.

Шундай қадрли меҳ-мон келишини олдинроқ билмагани сабабли тайёрлик кўролмаганидан нақадар хижолат-да эканини айтиб битиролмас эди. — А. Қаҳҳор, Қаноциз читтак

фл. 1. Тайёр, муҳайё ҳолга келтирмоқ; тахт қилмоқ; ҳозирламоқ.

Қишга ўтин тайёрламоқ.

Гулнор ҳамма нарсани зумда тайёрлаб, дадасига кўрсатди. — Ойбек, Танланган асарлар

Заврак нонушта тайёрлаб, у одам кутиб ўтирганини Меъморга хабар қилди. — Мирмуҳсин, Меъмор

отин бувиларга, эшон ойимларга таҳорат суви тайёрлаш каби юмушлар Гулнорни Ёʻлчи олдига аста-секин яқинлашувга мажбур қилди. — Ойбек, Танланган асарлар

2. Ишлаб юзага келтирмоқ, ҳосил қилмоқ, етиштирмоқ (қурмоқ, пиширмоқ, тикмоқ, ясамоқ ва шу кабилар).

Унсин Ёʻлчи учун ўзи тайёрлаган яхши тагдўзи дўппини кийдирди. Ойбек, Танланган асарлар. Ҳозирги пайтда шифобахш ўсимликлардан дори тайёрлашга алоҳида аҳамият берилмоқда. — Газетадан

У шу куниёқ эни бир метр, бўйи ярим метрли супа тайёрлади. Газетадан. Чиннининг анъанавий вазифаси идиш-товоқлар, меъморчилик деталлари ва бошқа буюмлар тайёрлашда қўлланишидан иборатдир. — Газетадан

3. Ўқитиб, ўргатиб ва бошқалар ёʻллар билан бирор иш-вазифа учун тайёр қилмоқ; етиштирмоқ.

Кадрлар тайёрламоқ. Имтиҳонга тайёрламоқ.

Тишченко уни [Малоҳатни] бирмунча вақт шофёрлар курсига тайёрлабди, оқибат киргизиб ҳам қўйибди. — А. Қаҳҳор, Жонфиғон

Ўттиз бир йигит-қиз Олмазордаги механизаторлар тайёрлайдиган билим юртига бориб ўқиймиз [деди Аъзам]. — Э. Раимов, Ажаб қишлоқ