Поиск

ot 1. Favqulodda, kutilmagan hol, voqea, hodisa.

Baxtli tasodif. Koʻngilsiz tasodif. Har qanday tasodifga tayyor turmoq.

Tasodifdan xursandman behad, Duchor qildi baxtga bir safar. — Shukrullo, Javohirlar sandigʻi

Tasodifni qarangki, Muhiddin Soliyaxonga duch kelib qoldi. — R. Fayziy, Choʻlga bahor keldi

Hikoya alohida shaxslarning yaxshiligi yo yomonligi haqida, yo boʻlmasa, turmushdagi biror tasodif ustida yozilmaydi. — A. Qahhor, Sarob

2. fls. Narsa va hodisalarning ichki tabiati bilan bogʻliq boʻlmagan, undan tash-qarida, yuzaki va ikkinchi darajali, yuz berishi ham, yuz bermasligi ham mumkin boʻlgan voqea-hodisani ifodalovchi falsafiy tushuncha.

Zaruriyat va tasodif.

rvsh. Kutilmagan holda, birdan, qoʻqqisdan, tasodifiy ravishda.

Tasodifan uchrashmoq.

Raʼno, qulogʻi ostiga teggan issiqlikdan choʻchib, yuzini oʻnglagan edi, tasodifan labi haligi issiqlikka uchrashdi. — A. Qodiriy, Mehrobdan chayon

Dadasi qaytib kelsa, Nigorani tanirmikin? — tasodifan tugʻilgan bu soʻroq Nigorani hayajonga soldi. — S. Anorboyev, Oqsoy

sft. Tasodif tarzidagi, tasodif holidagi; kutilmagan; favqulodda.

Tasodifiy voqea. Tasodifiy uchrashuv.

Tasodifiy hodisalarda qattiq yarador boʻlganlarga tez yordam berish menga maʼqul boʻldi. — Oydin, Uyaldi shekilli, yerga qaradi

Bu urush tasodifiy emas, albatta, bu voqelik osmondan tushgani yoʻq. — I. Rahim, Chin muhabbat

ot Tasodifiy boʻlish.