Поиск

ot ayn. Tashlama.

fl. 1. Narsani qoʻldan, yelkadan yoki boshqa joydan uzib, quyi tomon (irgʻitib, otib va hokazo) tushirmoq, yoʻnaltirmoq.

Olma uzib, yerga tashlamoq.

Gʻulomjon supurgini tashlab, qoʻllarini qoqdi. — M. Ismoiliy, Fargʻona tong otguncha

Keyin nosini tashlashga joy izlab alangladi. Oʻ. — Hoshimov, Qalbingga quloq sol

2. Narsani biron boshqa narsa, joy ustiga, ostiga yoki ichiga yoʻnaltirmoq, olmoq, solmoq, qoʻymoq.

Qizlar ichkaridan Hakimaning boshiga oq shol roʻmol tashlab, yetaklab chiqdilar. — S. Siyoyev, Yorugʻlik

Adyolni maysalar ustiga tashlab oʻtirishdi. — Oʻ. Hoshimov, Qalbingga quloq sol

Munisxon suyanchiqqa boshini tashlab, derazaga tikilib borardi. — Oʻ. Umarbekov, Yoz yomgʻiri

choponini yelkasiga tashladi-da, yoʻlga tushdi. — N. Fozilov, Diydor

3. Kuch, zarb bilan intilmoq, oʻzini otmoq.

Zuhra Saodatxonga oʻzini tashlab, mahkam quchoqlab oldi. — S. Zunnunova, Yangi direktor

Choʻmilmoq-chun birday boʻlib, endi hovuzga tashladi. — Murodxon

4. Biror ish, vazifa va shu kabilarga yoʻnaltirmoq, yoʻllamoq; safarbar qilmoq.

Hammani yigʻim-terimga tashlamoq.

Dushman bor kuchini jon holatda qarshi hujumga tashladi. — Gazetadan

Dushman barcha mavjud tanklarini va oʻziyurar toʻplarini hujumga tashladi. — Nazarmat, Joʻrlar baland sayraydi

5. Eʼtiborsiz, aloqani uzib va boshqalar holda qoldirmoq.

Doʻst soʻzini tashlama, Tashlab, boshingni qashlama. — Maqol

Uning talabalaridan bir qanchasi maktabni tashlab, bu yerga qochib keldi. — M. Ismoiliy, Fargʻona tong otguncha

Gʻavvos Muhammadning ustodni tashlab ketib qolgani armon boʻlib turganida, eshikdan uchinchi shogirdi — Zulfiqor Shoshiy kirib keldi. — Mirmuhsin, Meʼmor

6. Barham bermoq, yoʻq qilmoq; yigʻishtirmoq (baʼzi odat, xatti-harakat kabilar haqida).

[Dadam] Aroqni tashlagan boʻlsalar-a! Rosa maza boʻlardi-da. — E. Raimov, Ajab qishloq

Oʻqituvchi yoki tibbiyot xodimi boʻlmoqchimisan — chekishni tashla, odamlarga ikki qiyofada koʻrinma. — Gazetadan

Xoʻsh, ginani tashlagan boʻlsangiz nega boya ularning oldida ogʻzingizga kelganini oʻtladingiz? — A. Qodiriy, Mehrobdan chayon

7. Pasaymoq, tushmoq.

Sovuq bir oz tashladi. Narxlar ancha tashladi.

8. s. t. Raqsga tushmoq; oʻynamoq.

Tanovarga rosa tashladi.

9. koʻm. fl. vzf. -(i)b qoʻshimchali ravish-dosh shakliga qoʻshilib, harakatning keskin, kuchli tarzda yuz berishini bildiradi.

Buzib tashladi. Jerkib tashladi. Gʻijimlab tashlamoq. Agʻdarib tashladi.

Shu yerning oʻzida podshoh kishilari uni tutib olib, tilka-pora qilib tashlagan edi. — Mirmuhsin, Meʼmor

ot 1. Tashlanadigan, ortiqcha, chiqindi.

Tashlandi ovqat. Tashlandi suvlar.

2. ayn. Tashlandiq.

Tashlandi bogʻ.

Devonbegi mahallasiga qayrilib, bu yerda bir tashlandi hovliga kirishdi. — Oybek, Tanlangan asarlar

sft. Qaralmay tashlab qoʻyilgan; qarovsiz.

Chakalakzordagi gʻoʻza tashlandiq holga keldi. — R. Rahmonov, Chakalak-zordagi sharpa

Bu katalak uychalar kishida xuddi koʻhna qasrning tashlandiq hujralariday taassurot qoldiradi. — D. Nuriy, Osmon ustuni

Axir oyda-yilda bir kelib, oʻsha tashlandiq bolangizning boshini bir silab qoʻysangiz, qalbingiz taskin topmasmidi? — Yoshlik

fl. Tashlamoq feʼlining majhul nisbati.

fl. Tashlamoq feʼlining orttirma nisbati.