Поиск

fl. Tasdiqlamoq feʼlining majhul nisbati.

fl. 1. Qaror bilan yoki qoʻl qoʻyib, muhr bosib, qonuniy kuchga kiritmoq.

Hukumat loyihani tasdiqladi. Direktor shartnomani tasdiqladi. Kotiba imzoni tasdiqladi.

Buyruqni dastlab boshqarma, soʻngra ministrlik biron-bir eʼtirozsiz tasdiqladi. — Yoshlik

rektorat ham uning ikkita imtihondan qarzi borligini hisobga olib, bu qarorni tasdiqlagandi. — Oʻ. Hoshimov, Qalbingga quloq sol

2. Biror ish, harakat, gʻoya va shu kabilarni toʻgʻri deb topmoq, maʼqullamoq, tasdiq etmoq.

— Ota, bular choʻpon emas! — dedi Badia. Bu gapni Zulfiqor ham, Zavrak ham tasdiqladi. — Mirmuhsin, Meʼmor

— Ha, barakalla, — Qudrat kallasini tebratib tasdiqladi. — M. Ismoiliy, Fargʻona tong otguncha

3. Toʻgʻriligidan dalolat bermoq, isbotlamoq.

Bu fakt fikrimizni tasdiqlaydi.

— Materialni tasdiqlovchi hujjatlaringiz bormi? — deb soʻradi. — Mushtum

Uning fikrlari haqligini hujjatlar tasdiqlab turibdi. — Gazetadan

fl. Tasdiqlamoq feʼlining orttirma nisbati.

fl. Tasdiqlamoq feʼlining birgalik nisbati.

fl. Tasdiqlatmoq feʼlining orttirma nisbati.

fl. Tasdiqlattirmoq feʼlining majhul nisbati.