Hayot Foundation loyihasi
Loyiha haqida
Oʻz
Oʻz

Qidiruv

«tarbiyali» boʻyicha 57 ta natija

Filtr
Lugʻat turi
Izohli Tarjima Terminologik
Tildan
Oʻzbekcha Inglizcha
Tilga
Oʻzbekcha Ruscha Inglizcha Qoraqalpoqcha Nemischa Fransuzcha Arabcha Turkcha

Lugʻat maqolalari

44 ta
tarbiya
Izohli lugʻat · yana 7 ta lugʻatda

ot 1. Taʼlim, axloq-odob va shu kabilarni oʻrgatib, singdirib, insonni voyaga yetkazish, ulgʻaytirish, oʻstirish.

Internat tarbiyasida oʻsgan bola.

Abdurahmon otasi oʻlib, onasi va ota tomonlari tarbiyasida qoldi. — A, Qodiriy, Mehrobdan chayon

Qiz oʻn olti yoshgacha bu oilada, muzika muallimi boʻlgan kambagʻal amakining tarbiyasida oʻsdi. — Oybek, Tanlangan asarlar

2. Insonda ish-hunar, odob-axloq va shu kabilarni shakllantirish, rivojlantirishga, uning jamiyatda yashashi uchun kerak boʻlgan xislatlarga ega boʻlishini taʼminlashga qaratilgan ish-amallar majmui va shu yoʻl bilan singdirilgan odob-axloq, xislat, fazilat kabilarning oʻzi.

Siyosiy tarbiya. Gʻoyaviy tarbiya. Maktab tarbiyasi. Tarbiyasi buzuq odam. Tarbiyasi yaxshi bola,

Yosh avlod tarbiyasida yuqori samaraga erishish uchun bir qator shart-sharoitlar barqaror boʻlishi lozim. — Gazetadan

Bolalar kitobi tarbiya uchun yoziladi, tarbiya esa buyuk ish. — Saodat

3. Maʼlum tartib, usul asosida qarab, ishlov berib oʻstirmoq; parvarishlamoq (oʻsimlik va hayvonlar haqida).

Gʻoʻza tarbiyasi ogʻir ish.

  • Tarbiya bermoq Tarbiya xizmatini amalga oshirmoq, tarbiyalamoq. Bolaga oila ham, maktab ham tarbiya berishi, odob-axloq oʻrgatishi shart. — Gazetadan
  • Tarbiya olmoq (yoki koʻrmoq, topmoq) Tarbiya orttirmoq, tarbiyaga ega boʻlmoq. Xorst Shuster oʻn yoshgacha maktabda shunday tarbiya olgan: Urush juda qiziq narsa boʻladi. Katta boʻlganingda, bir oʻzing yuzta dushmanni oʻldirasan A. — Qahhor, AsarlarZargarov uzun soʻzdan xulosa chiqarib: — Men yoshligimda shunday tarbiya koʻrsam, hozir yerda turib, oyda chorvachilik qilar edim, — dedi. A. — Qahhor, Ogʻriq tishlarMundoq joyda tarbiya topgan kishi qandoq olim insofli va shafqatli boʻlsa kerak. — Hamza, Tanlangan asarlar
  • Tarbiya qilmoq 1. Tarbiyalab katta qilmoq, voyaga yetkazmoq, oʻstirmoq, ulgʻaytmoq. Oʻn bir yoshlik Temir, toʻqqiz yoshlik Qobil va Anvarlarni tarbiya qilish ogʻirligi Nodiraning ustiga tushdi. — A. Qodiriy, Mehrobdan chayonShuncha tahsil va tarbiya berganlaringiz uchun rahmat! — M. Ismoiliy, Fargʻona tong otgunchaHali nishona qilmagan mevani hisobga kiritasanmi? Avval tarbiya qil, gullasin, undan keyin mevasiga savat toʻqisang arziydi. Shuhrat, — Shinelli yillarBuzoqligidan oʻzi tarbiya qilgan, unga oʻrgangan edi. — S. Yunusov, Kutilmagan xazina
  • Jismoniy tarbiya
Toʻliq maqola →
tarbiyat

ot esk. kt. ayn. Tarbiya 1.

Kim kuchuk birlan xoʻtikka Qancha qilsa tarbiyat, It boʻlur, eshak boʻlur, Asloki boʻlmas odami. — Uygʻun va I. Sulton, Alisher Navoiy

Toʻliq maqola →
tarbiyachi
Izohli lugʻat · yana 6 ta lugʻatda

ot Tarbiya beruvchi shaxs, murabbiy.

Bogʻcha tarbiyachisi. Tarbiyachi ayol.

Uning gʻurur toʻla koʻzlari ustozlariga tikilar, ota oʻrnida otalik qilgan hurmatli Davronovga, jonkuyar tarbiyachi Nafisa xonimga chin qalbidan minnatdorlik bildirgisi kelar edi. — P. Tursun, Oʻqituvchi

Abdulla Qahhor yoshlarning tom maʼnodagi tarbiyachisi edi. — Gazetadan

Toʻliq maqola →
tarbiyasiz
Izohli lugʻat · yana 2 ta lugʻatda

sft. 1. Tarbiya olmagan, axloqsiz.

Tarbiyasiz bola.

Tarbiyasizning bir qiligʻi ortiq, degan maqol bor. — A. Qodiriy, Obid ketmon

2. Shu maʼnosi bilan haqorat uchun qoʻllanadi.

U avtobusdan tushib, lovullab turgan qulogʻini ushlagancha, Hojiga qaradi va bisotidagi eng ogʻir, eng dahshatli haqoratni ishlatdi, yaʼni tarbiyasiz! dedi. — A. Qahhor, Asarlar

Toʻliq maqola →

Hammasini koʻrish · 44 →

Taʼriflar ichida

13 ta

Hammasini koʻrish · 13 →