sft. ayn. Betaraf.
Qidiruv
«tarafsiz» boʻyicha 10 ta natija: Izohli
Filtr
Lugʻat turi
Lugʻat maqolalari
10 taot 1. ayn. Tomon 1-4.
U taraf. Bu taraf. Har taraf.
Oʻrdaning tashqarigi qismining uch tarafi (janub, sharq, gʻarb) binosiz, faqat qoʻrgʻon devorlarining zinalari edi. — A. Qodiriy, Oʻtgan kunlar
Kunduzi qum tarafdan iliq, nafasni qaytaradigan shamol esadi. — S. Ahmad, Ufq
Har ikki taraf, kim oʻzar oʻynagandek, otash maqtovlar bilan bir-birini oʻqqa tutdi. — F. Musajonov, Himmat
Shuning uchun boshqa oʻyinlarni qoʻya turib, majlisning eng qiziq tarafi boʻlib sanalgan lapar aytishga koʻchdilar. — A. Qodiriy, Oʻtgan kunlar
har ikki taraf oʻrtasidagi vaziyat tobora keskinlashib borardi. — K. Yashin, Hamza
Aytmadi, soʻrasam, gapni boshqa tarafga chalgʻitdi. — A. Qodiriy, Oʻtgan kunlar
2. Kurashuvga, bellashuvga, bahslashuvga xohish bildiruvchi shaxs, talabgor.
Biror shaharga kelganida, unga [Qulmat qoraga] taraf chiqmay qolsa bormi, bunday shaharning yigitlari yigit hisoblanmasdi. — A. Muxtor, Opa-singillar
Ishboshi: — Qani, taraf bormi? — deb, polvonlarni maydonga chaqirganda, nima boʻldi-yu, tavakkal qilib, oʻrnimdan turib ketdim. — P. Tursun, Oʻqituvchi
3. folk. Dushman, gʻanim.
Qashshoqlarga boylar koʻp taraf boʻldi. — Ergash Jumanbulbul oʻgʻli
Men oʻlmasam, taraf bosmas izingni. — Yusuf va Ahmad
4. koʻm. vzf. (3-shaxs egalik va chiqish kelishigi shaklida). Tomonidan, jihatidan.
Oʻz yonlaridan sarf qilish uchun aqchalari yoʻq, hukumat tarafidan beriladigan ovqatning salmogʻi yoʻq edi. — A. Qodiriy, Mehrobdan chayon
- Tarafini olmoq Tarafdor sifatida harakat qilmoq, biror tomonni himoya qilmoq, qoʻllab-quvvatlamoq; u yoki bu tarafga boʻlishmoq. Janjal chiqqan vaqtlarida podsho kambagʻallarning emas, boylarning tarafini olar ekan. — N. Safarov, Olovli izlar
- Taraf yoʻq Bas keladigan, bellasha oladigan, tenglashadigan kishi yoʻq. Uning [Valijonning] odamoxunligi, koʻngilchanligiga taraf yoʻq. — H. Nazir, OlmosGapdan gap chiqarishga senga taraf yoʻgʻ-a, xotin — A. Muhiddin, Hadya
sft. Tarafi, yoni boʻlgan.
Ikki tarafli pichoq. Bir tarafli movut.
- Bir tarafli boʻlmoq U yoqli yoki bu yoqli boʻlmoq; biror tomon foydasiga hal boʻlmoq. Otabek ish bir tarafli boʻlgunicha oʻzining qochmasligi uchun kafil berishga majburdir. — A. Qodiriy, Oʻtgan kunlar
- Bir tarafli qilmoq U yoqli yoki bu yoqli qilmoq; biror tomon foydasiga hal etmoq.
ot 1. Bir-biriga qarshi boʻlgan tomonlardan biriga yon bosuvchi, uni qoʻllab-quvvatlovchi, himoya qiluvchi shaxs.
Musulmonqulga tarafdorlaringiz boʻlsa, tinchlikcha qoʻshindan chiqib ketsin! — A. Qodiriy, Oʻtgan kunlar
Bobur bu gal yana aldanmaslik uchun shahar ichidagi tarafdorlarining hech biriga xabar bermasdan tavakkal qilib keldi. — P. Qodirov, Yulduzli tunlar
2. Biror gʻoya yoki harakatni himoya qiluvchi, shu gʻoya, harakat uchun kurashuvchi shaxs, tashkilot va shu kabilar
Tinchlik taraf-dorlari.
Betob boʻlib Oʻshga kelolmagan Xoʻja Abdullo ham Boburning Samarqandga qoʻshin tortib borishiga tarafdor edi. — P. Qodirov, Yulduzli tunlar
ot 1. Biror tomonning tarafini oluvchi; tarafdor.
Bedana egalari va ularga pul tikkan tarafkashlarning koʻzlari ola-kula, yuraklari taka-puka boʻlib, nafaslari ichiga tushib ketdi. — M. Muhammadjonov, Turmush urinishlari
2. Qarshi chiquvchi, kurashuvchi, bellashuvchi; talabgor.
— Burgutning yigitlari hali kurashda yelkasi yer koʻrmagan polvonlar. Hozir bu polvonlarga Fargʻona tomonda tarafkash yoʻq, — dedi yigit. — S. Ahmad, Choʻl burguti
3. Taraf-bataraf boʻlib kurashuvchi; guruhboz.
Mening qishlogʻimda tarafkashlar koʻp. Bir-birini kovlaydi. — P. Tursun, Oʻqituvchi
birikki Miqdor bildiruvchi (kabi) soʻzlar, shuningdek, har soʻzi bilan qoʻllanib, shu soʻzlar bildirgan miqdoriy nisbatni anglatadi.
Masalani bir taraflama hal qilmoq.
Keksa, tanilgan yozuvchi oʻsib kelayotgan yosh avlodga har taraflama koʻmaklashuvi kerak. — N. Safarov, Olovli izlar