fl. Tanishmoq feʼlining birgalik nisbati.
Поиск
По запросу «tanishishmoq» — результатов: 15: Толковый
Фильтр
Тип словаря
Словарные статьи
15fl. 1. Tanish boʻlmoq, bilmoq.
Men uni ikki yildan beri taniyman. Bu yerda u hech kimni tanimaydi.
Adolatni taniganlar unga hayron boʻlib, baqrayib qarab qolar, baʼzi birovlar yuzini oʻgirar edi. — S. Zunnunova, Gulxan
Nurinisoni yaqindan taniganlar u bilan har vaqt juda ehtiyot boʻlib muomala qilar edilar. — Oybek, Tanlangan asarlar
2. Oʻziga tegishli yoki tanish kimsani, narsani koʻrinishidan yoki boshqa biror belgisidan bilmoq, ajratmoq.
Ovozidan tanimoq. Koʻzidan tanimoq.
Darvozabon bekni tanib, qoʻl qovushtirdi. — A. Qodiriy, Oʻtgan kunlar
Eshelonning keyingi toʻxtashida vagon tirqishidan qarab turgan Isroil Azimov bu stansiyani tanib, Penza dedi. — I. Rahim, Chin muhabbat
Loy va tuproqqa qorishgan jangchilarni tanimoq qiyin edi. — Oybek, Quyosh qoraymas
Hay, u qizni oʻzing koʻrsang taniysanmi? — S. Siyoyev, Avaz
3. Farqiga boradigan, yaxshi-yomonni ajratadigan boʻlmoq, ajrata bilmoq.
Oting borida yoʻl tani, Aqling borida el tani. — Maqol
Sen azaldan odam taniysan. Koʻnglingga bir narsa kelmasin-u, ogʻayni, Shoabdufattoh Xoʻjayev — oʻgʻil bola yigit. — A. Qahhor, Ogʻaynilar
Gilam taniydigan odam ikki mingga indamasdan oladi. — A. Qahhor, Asarlar
Joʻra boshqa otlarga bir zum koʻz tashlab: — Agar ot tanisang, risoladagi saman— shu, — dedi. — Oybek, Tanlangan asarlar
4. Haq-huquqi, obroʻyi, mavqeyi va shu kabilar bilan hisoblashib muomala qilmoq, tan olmoq.
Biz Musulmonqulni tanimaymiz! Bizning boshligʻimiz Xudoyorxondir! — A. Qodiriy, Oʻtgan kunlar
- Odamni tanimaslik (yoki tanimay qoʻymoq) Juda magʻrurlikka berilib (havolanib), hech kimni mensimaslik, pisand qilmay qoʻymoq. Shunday qilib, kunni oʻtkazaverdi. Burungiday odam tanimaydigan boʻlib ketdi. — Bahrom va GulandomRavshan Musayev sovxozning 4-boʻlimiga boshqaruvchi boʻldi-yu, uncha-muncha odamni tanimay qoʻydi. — Mushtum
- Oq-qorani tanigan Yaxshi-yomonni koʻrgan, koʻp narsani, dunyoning bordi-keldisini bilgan. Siz oq-qorani tanigan odamsiz, Abdishukur. — Oybek, Tanlangan asarlar
- Xat tanimoq Oʻqish-yozishni bilmoq, savodli boʻlmoq. Ana, sizning mehribon Oyimxon opangiz. Rayonga borib, uch oy oʻqib keldi. Ha, sal-pal xat taniydigan boʻpti. — P. Tursun, Oʻqituvchi
- Esini (yoki aqlini) tanimoq Esi kirib, ulgʻayib, ongli ravishda ish qiladigan va koʻrgan-kechirganlarini eslay oladigan boʻlmoq. Biz, raisimiz aytmoqchi, endi esini tanigan boladaymiz: koʻp narsaga qiziqamiz, koʻp narsani bilgimiz keladi. — A. Qahhor, Qoʻshchinor chiroqlariMirpoʻlat Temirovich gapning poʻstkallasini aytdilar, esimni taniganimdan beri bu — ikkinchi marta etik kiyishim. S. — Mahkamov, Shogird
- Haqini tanimoq Oʻz haq-huquqini bilmoq, haq-huquqini oʻz qoʻliga olmoq. Davlatyor taʼriflagandek, haqini tanimagan bu bechora [Xudoyqul] shu ravishda hayot kechirar edi. — P. Tursun, Oʻqituvchi
Толковый словарь узбекского языка
· ещё в 1 словарях
fl. Tanimoq feʼlining birgalik nisbati.
ot Tanib olish uchun qoʻyilgan yoki tabiiy mavjud boʻlgan belgi, nishon.
Yoʻqolgan otingizning qanday tanigʻi bor?
- Taniq bermoq Taniganligini bildirmoq, maʼlum qilmoq; guvohlik bermoq. Qishloqda mulla Mamajonni ilgaridan taniydirgan kishilar: — Bu yillar [1928—29]falon mozorning daxmasida shayxlar bilan birga edi, — deb taniq beradilar. — Gʻ. Gʻulom, Tirilgan murda
sft. 1. Tanib olish uchun qandaydir belgisi yoki belgilari boʻlgan; tanish.
Taniqli koʻcha.
Tamgʻa kabi taniqli, Har yerda bir iz Uzoqlarda jiladi Uch-toʻrt xotin-qiz — H. Olimjon
2. Koʻpchilikka maʼlum, koʻpchilik taniydigan; atoqli, mashhur.
Taniqli shoir.
Koʻpchilik oldida aytishib oʻtirish ikkingizga ham yarashmaydi, — ikkingiz ham el-yurtda taniqli odamlarsiz. — I. Rahim, Ixlos
Mirkarim aka Eski shaharga taniqli odam. — Yu. Shomansur, Qora marvarid