Қидирув

фл. 1. Таниш бўлмоқ, билмоқ.

Мен уни икки йилдан бери танийман. Бу ерда у ҳеч кимни танимайди.

Адолатни таниганлар унга ҳайрон бўлиб, бақрайиб қараб қолар, баъзи бировлар юзини ўгирар эди. — С. Зуннунова, Гулхан

Нуринисони яқиндан таниганлар у билан ҳар вақт жуда эҳтиёт бўлиб муомала қилар эдилар. — Ойбек, Танланган асарлар

2. Ўзига тегишли ёки таниш кимсани, нарсани кўринишидан ёки бошқа бирор белгисидан билмоқ, ажратмоқ.

Овозидан танимоқ. Кўзидан танимоқ.

Дарвозабон бекни таниб, қўл қовуштирди. — А. Қодирий, Ўтган кунлар

Эшелоннинг кейинги тўхташида вагон тирқишидан қараб турган Исроил Азимов бу стансияни таниб, Пенза деди. — И. Раҳим, Чин муҳаббат

Лой ва тупроққа қоришган жангчиларни танимоқ қийин эди. — Ойбек, Қуёш қораймас

Ҳай, у қизни ўзинг кўрсанг танийсанми? — С. Сиёев, Аваз

3. Фарқига борадиган, яхши-ёмонни ажратадиган бўлмоқ, ажрата билмоқ.

Отинг борида ёʻл тани, Ақлинг борида эл тани. — Мақол

Сен азалдан одам танийсан. Кўнглингга бир нарса келмасин-у, оғайни, Шоабдуфаттоҳ Хўжаев — ўғил бола йигит. — А. Қаҳҳор, Оғайнилар

Гилам танийдиган одам икки мингга индамасдан олади. — А. Қаҳҳор, Асарлар

Жўра бошқа отларга бир зум кўз ташлаб: — Агар от танисанг, рисоладаги саман— шу, — деди. — Ойбек, Танланган асарлар

4. Ҳақ-ҳуқуқи, обрўйи, мавқейи ва шу кабилар билан ҳисоблашиб муомала қилмоқ, тан олмоқ.

Биз Мусулмонқулни танимаймиз! Бизнинг бошлиғимиз Худоёрхондир! — А. Қодирий, Ўтган кунлар

от Таниб олиш учун қўйилган ёки табиий мавжуд бўлган белги, нишон.

Ёʻқолган отингизнинг қандай таниғи бор?

2. сфт. Кимсага аввалдан маълум, кишилар танийдиган, биладиган

Таниш одам. Таниш овоз. Таниш иш. Таниш имзо. Бу ерлар унга болаликдан таниш. шя Зиёдилла таниш дала ёʻлидан хаёл суриб борарди — Ҳ. Ғулом, Машъал

Унинг қўлида Зулфиқорга таниш кичик ханжар ялтираб турарди — Мирмуҳсин, Меъмор

3. от Кимгадир маълум бўлган, у танийдиган ва маълум даражада муносабат-ало-қаси бўлган шахе. . . Ўҳў!.. эски таниитар тўпланадиган кун эканда бўлмасам. "Муштум"

Дани, юр, темир ёʻлда танишим бор эди — С. Кароматов, Олтин қум

Тўриқни бир танишиникида қолдирди-да, ўзи.. шаҳарга жўнади — С. Анорбоев, Оқсой

сфт. 1. Таниб олиш учун қандайдир белгиси ёки белгилари бўлган; таниш.

Таниқли кўча.

Тамға каби таниқли, Ҳар ерда бир из Узоқларда жилади Уч-тўрт хотин-қиз — Ҳ. Олимжон

2. Кўпчиликка маълум, кўпчилик танийдиган; атоқли, машҳур.

Таниқли шоир.

Кўпчилик олдида айтишиб ўтириш иккингизга ҳам ярашмайди, — иккингиз ҳам эл-юртда таниқли одамларсиз. — И. Раҳим, Ихлос

Миркарим ака Эски шаҳарга таниқли одам. — Ю. Шомансур, Қора марварид

фл. 1. Танимоқ феълининг мажҳул нисбати.

У, ниқоб очилиб, танилиб қолди.

2. Ном чиқармоқ, донг таратмоқ, маълум-машҳур бўлмоқ.

Бу ҳофиз бутун оламга танилган. — Ойбек, Танланган асарлар

Шундай қилиб, у тез фурсатда эл-юрт орасида Ҳакимча табиб номи билан танилди. — К. Яшин, Ҳамза

Орадан кўп йиллар ўтди, Тамарахоним машҳур актриса бўлиб танилди. — Ҳ. Носирова, Мен ўзбек қизиман

фл. Танимоқ феълининг орттирма нисбати.